ಇಂಗ್ಲಿಷ್​ ಪರಿಪೂರ್ಣ ಕಲಿಕೆಗೆ ಆದ್ಯತೆ ಅಗತ್ಯ

ವಿಜಯಪುರ : ಭಾಷಾ ಉಪನ್ಯಾಸಕರು ವಿದ್ಯಾರ್ಥಿಗಳಿಗೆ ಪರಿಣಾಮಕಾರಿಯಾಗಿ ಬೋಧಿಸಲು ಕಾರ್ಯಾಗಾರಗಳು ಸಹಕಾರಿಯಾಗಲಿದೆ ಎಂದು ಆರ್​ಕೆಎಂ ಸಮೂಹ ಸಂಸ್ಥೆಗಳ ಕಾರ್ಯದರ್ಶಿ ಶಂಭುಲಿಂಗ ಕರ್ಪೂರಮಠ ಹೇಳಿದರು.

ನಗರದ ಸುಕೂನ್​ ಲೇಔಟ್​ ಬಳಿಯ ಆರ್​ಕೆಎಂ ಪಿಯು ವಿಜ್ಞಾನ ಮತ್ತು ವಾಣಿಜ್ಯ ಕಾಲೇಜಿನಲ್ಲಿ ಇಂಗ್ಲಿಷ್​ ಉಪನ್ಯಾಸಕರ ಸಂವಾದಾತ್ಮಕ ವೇದಿಕೆ ಸಂಯುಕ್ತಾಶ್ರಯದಲ್ಲಿ ಶುಕ್ರವಾರ ಪಿಯು ಇಂಗ್ಲಿಷ್​ ಉಪನ್ಯಾಸಕರಿಗೆ ಹಮ್ಮಿಕೊಂಡಿದ್ದ ಒಂದು ದಿನದ ಉಪನ್ಯಾಸ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿ, ಇಂಗ್ಲಿಷ್​ ಪರಿಪೂರ್ಣ ಕಲಿಕೆಗೆ ಆದ್ಯತೆ ಅಗತ್ಯ. ಈ ನಿಟ್ಟಿನಲ್ಲಿ ಪದವಿ ಪೂರ್ವ ಶಿಕ್ಷಣದಲ್ಲಿ ವಿದ್ಯಾರ್ಥಿಗಳಿಗೆ ಭಾಷಾ ವಿಷಯಗಳ ಕಲಿಕೆಗೆ ಹೆಚ್ಚಿನ ಆದ್ಯತೆ ನೀಡುವಂತೆ ಮಾಡುವ ಗುರುತರ ಜವಾಬ್ದಾರಿ ಉಪನ್ಯಾಸಕರ ಮೇಲಿದೆ ಎಂದರು.

ಸಂಪನ್ಮೂಲ ವ್ಯಕ್ತಿಗಳಾದ ಎಲ್​ಆರ್​. ಹಳ್ಳದಮನಿ, ಡಾ. ಸುಜಾತಾ ಕಟ್ಟಿಮನಿ, ಸಿ.ಎಸ್​. ಪೂಜಾರಿ, ಎಸ್​.ಎಂ. ಶೇಖ್​, ಅಶೋಕ ಬಿರಾದಾರ, ಕಿರಣ ನಾಡಕಟ್ಟಿ, ರೂಪಕಲಾ ಪಾವಸೆ ಇಂಗ್ಲಿಷ್​ ಭಾಷಾ ವಿಷಯದ ಕಲಿಕೆಯ ಬಗ್ಗೆ ವಿಷಯ ಮಂಡಿಸಿದರು.

ಪ್ರಾಂಶುಪಾಲೆ ಮೇಧಾ ಹಿರೇಮಠ ಪ್ರಾಸ್ತಾವಿಕವಾಗಿ ಮಾತನಾಡಿ, ಕಾರ್ಯಕ್ರಮ ನಿರೂಪಿಸಿದರು.