ಅಂಗಡಿ-ಮುಂಗಟ್ಟುಗಳಲ್ಲಿ ಮಳೆಯಲ್ಲೆ ಅಗತ್ಯ ವಸ್ತುಗಳನ್ನು ಕೊಂಡು ಅಂಗಡಿಗಳ ಆವರಣವೇ ಗಂಟೆಗಟ್ಟಲೇ ನಿಲ್ಲುವಂತಾಗಿತ್ತು. ಜತೆಗೆ ತಮ್ಮ ಊರುಗಳಿಗೆ ತೆರಳಲು ಮಳೆಯಲ್ಲೆ ನೆದುಕೊಂಡು ಬಸ್ ನಿಲ್ದಾಣಕ್ಕೆ ತೆರಳಿದರೆ, ಮತ್ತೆ ಕೆಲವರು ಪರದಾಡಿದರು. ಅಲ್ಲದೆ ಸತತವಾಗಿ ಸುರಿಯುತ್ತಿರುವ ಮಳೆಯಿಂದಾಗಿ ಮಲೆನಾಡು ಭಾಗಗಳಲ್ಲಂತೂ ಮನೆಯಿಂದ ಯಾರೂ ಹೊರ ಬಾರದಂತಾಗಿದೆ. ಕೆರೆ-ಕಟ್ಟೆಗಳಿಗೆ ನೀರು ಹರಿದು ಬರುತ್ತಿದೆ. ಆದರೆ ಬಿಟ್ಟ್ಟು ಬಿಟ್ಟು ಬರುತ್ತಿರುವ ಜೋರು ಮಳೆಯಿಂದಾಗಿ ಯಾವುದೇ ಅನಾಹುತವಾಗದಂತೆ ಜಿಲ್ಲಾಡಳಿತ ತಾಲೂಕಿನ ಅಂಗನವಾಡಿಯಿಂದ ಪ್ರೌಢಶಾಲೆವರೆಗಿನ ವಿದ್ಯಾರ್ಥಿಗಳಿಗೆ ಸೋಮವಾರ ಜಿಲ್ಲಾಡಳಿತ ರಜೆ ಘೋಷಿಸಿತ್ತು. ಇದರಿಂದ ಗ್ರಾಮೀಣ ಭಾಗದಿಂದ ಪಟ್ಟಣಕ್ಕೆ ಮಳೆಯಲ್ಲೆ ಆಗಮಿಸಬೇಕಿದ್ದ ವಿವಿಧ ಶಾಲೆಗಳ ವಿದ್ಯಾರ್ಥಿಗಳು, ಶಿಕ್ಷಕರು ಮನೆಯಲ್ಲೇ ಕಾಲಕಳೆದರು. ಆದರೆ ಕಾಲೇಜುಗಳಿಗೆ ಇಲ್ಲದ ಕಾರಣ ಮಳೆಯಲ್ಲೆ ನೆನೆದು ಬಂದ ವಿದ್ಯಾರ್ಥಿಗಳು ಕಾಲೇಜು ಮುಗಿಸಿ ಮಳೆಯಲ್ಲಿ ನೆನೆದೆ ಮನೆ ಹಾಗೂ ಗ್ರಾಮಗಳಿಗೆ ತೆರಳಿದರು.
