ಗ್ರಾಪಂ ಅಧ್ಯಕ್ಷ ಆರೋಪ: ಎರಡು ವರ್ಷದ ಹಿಂದೆ ಪಿಡಿಒ ಪಂಚಾಯಿತಿಗೆ ಬಂದಿದ್ದು, ಅಂದಿನಿಂದಲೂ ಪ್ರಮುಖವಾದ ಯಾವುದೇ ಕಾಮಗಾರಿಗೆ ಅನುವು ಮಾಡಿಕೊಟ್ಟಿಲ್ಲ. ನರೇಗಾದಡಿ ಶೇ 8.63 ಮಾತ್ರ ಕೆಲಸಗಳಾಗಿವೆ. ಅಭಿವೃದ್ಧಿ ವಿಷಯದಲ್ಲಿ ತಾಲೂಕಿನ ಎಲ್ಲ ಗ್ರಾಪಂಗಳಿಗಿಂತ ಕಡೆಯ ಸ್ಥಾನದಲ್ಲಿದೆ. ಸಮರ್ಪಕವಾಗಿ ಆಸ್ತಿ ಸಮೀಕ್ಷೆ ಮಾಡಿಲ್ಲ. ತೆರಿಗೆ ವಸೂಲಿಯಲ್ಲೂ ಹಿಂದುಳಿದಿದ್ದು, ಸ್ವಯಂಪ್ರೇರಿತರಾಗಿ ತೆರಿಗೆ ಪಾವತಿಸುವುದನ್ನು ಮಾತ್ರ ತೆಗೆದುಕೊಳ್ಳುತ್ತಿದ್ದಾರೆ. ಉಳಿಕೆ ಆಸ್ತಿದಾರರಿಂದ ತೆರಿಗೆ ವಸೂಲಿ ಮಾಡುತ್ತಿಲ್ಲ, ವಾರ್ಷಿಕ 7 ರಿಂದ 8 ಕೋಟಿ ರೂ.ತೆರಿಗೆ ಸಂಗ್ರವಾಗಬೇಕಿದ್ದು ಇವರ ಅವಧಿಯಲ್ಲಿ 3ಕೋಟಿ ರೂ.ದಾಟುತ್ತಿಲ್ಲ, 15ನೇ ಹಣಕಾಸಿನಲ್ಲಿ ಕಾಮಗಾರಿಗಳಿಗೆ ಬಳಕೆ ಮಾಡದ 1.30 ಕೋಟಿ ಹಣ ಹಾಗೆಯೇ ಉಳಿದಿದೆ. ಶೇ.3.5 ಅಂಗವಿಕಲರ ಅನುದಾನವೂ ಸಂಪೂರ್ಣ ಬಳಕೆಯಾಗಿಲ್ಲ ಎಂದು ಲಕ್ಷ್ಮೀಕಾಂತ್ ದೂರಿದ್ದಾರೆ.
ನಮ್ಮ ಪಂಚಾಯಿತಿ ಗಾಂಧಿ ಪ್ರಶಸ್ತಿ ಪುರಸ್ಕೃತವಾಗಿತ್ತು, ಇಂಥ ಪಂಚಾಯಿತಿ ಒಳ್ಳೆಯ ವಿಚಾರಕ್ಕೆ ಸುದ್ದಿಯಾಗದೆ ಒಂದಿಲ್ಲೊಂದು ಸಮಸ್ಯೆಗಳ ವಿವಾದಗಳ ಬಗ್ಗೆ ಸುದ್ದಿಯಾಗುವುದು ನಮಗೂ ಬೇಸರ ತಂದಿದೆ ಎಂದು ಮಾಜಿ ಅಧ್ಯಕ್ಷ ನಾಗೇಶ್ ಬೇಸರ ವ್ಯಕ್ತಪಡಿಸಿದ್ದಾರೆ.
