ಅತಿಥಿ ಉಪನ್ಯಾಸಕರು ಎದುರಿಸುತ್ತಿರುವ ಸಮಸ್ಯೆಗಳಲ್ಲಿ ಗೌರವ ಸಂಭಾವನೆ ಬಿಡುಗಡೆ ವಿಳಂಬ ಮೊದಲ ಪ್ರಾಶಸ್ತ್ಯದಲ್ಲಿದೆ. ಪ್ರತಿ ವರ್ಷದಂತೆ ಈ ಬಾರಿಯೂ ವೇತನ ವಿಳಂಬವಾಗಿದ್ದು ವೇತನ ನೀಡುವವರೆಗಾದರೂ ದಿನಸಿ ಸಾಮಗ್ರಿಗಳನ್ನು ನೀಡುವಂತೆ ಹೊಳೆಹೊನ್ನೂರು ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಅತಿಥಿ ಉಪನ್ಯಾಸಕರು ಪ್ರಾಚಾರ್ಯರಿಗೆ ಮನವಿ ಮಾಡಿರುವ ಪತ್ರ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಕಾಲೇಜಿನಲ್ಲಿ 11 ಅತಿಥಿ ಉಪನ್ಯಾಸಕರಿದ್ದು ಮೂರು ವಿಭಾಗಗಳಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಉಪನ್ಯಾಸಕರಿಗೆ ಮೂರು ತಿಂಗಳಿAದ ಗೌರವ ಸಂಭಾವನೆ ನೀಡಿಲ್ಲ. ವೇತನವಿಲ್ಲದೆ ಕುಟುಂಬ ನಿರ್ವಹಣೆ ಕಷ್ಟವಾಗಿದೆ. ಸಕಾಲದಲ್ಲಿ ವೇತನ ಸಿಗದ ಕಾರಣ ಆರ್ಥಿಕ ಅಡಚಣೆಯಾಗುತ್ತಿದೆ ಎಂದು ಮನವಿಯಲ್ಲಿ ತಿಳಿಸಿದ್ದಾರೆ. ವೇತನ ನೀಡುವುದು ತಡವಾದರೂ ಪರವಾಗಿಲ್ಲ, ಅಲ್ಲಿಯವರೆಗೆ ನಮ್ಮ ಕುಟುಂಬ ನಿರ್ವಹಣೆಗೆ ಪ್ರತಿ ತಿಂಗಳು 25 ಕೆಜಿ ಅಕ್ಕಿ, 5 ಕೆಜಿ ಟೊಮಾಟೊ, 10 ಕೆಜಿ ಈರುಳ್ಳಿ, ಬೇಳೆಕಾಳುಗಳು, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಮುಂತಾದ ದಿನಬಳಕೆಗೆ ಬೇಕಾದ ಹಾಲು, ಮೊಸರು ನೀಡಬೇಕೆಂದು ಕೇಳಿಕೊಂಡಿದ್ದಾರೆ.
