ನಗರದ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ಆಯೋಜಿಸಿದ್ದ ಮೆರವಣಿಗೆ ಸಮಿತಿ ಸಭೆಯಲ್ಲಿ ವೆಚ್ಚದ ಮಾಹಿತಿ ನೀಡಲಾಯಿತು. ಅದರಂತೆ ಕಲಾತಂಡ ಆಯ್ಕೆಗೆ 31.45 ಲಕ್ಷ ರೂ, ಸ್ತಬ್ಧಚಿತ್ರಕ್ಕೆ 21 ಲಕ್ಷ ರೂ, ಪೂರ್ಣಕುಂಭಕ್ಕೆ 1 ಲಕ್ಷ ರೂ, ಸ್ಕೌಟ್ಸ್ ಮತ್ತು ಗೈಡ್ಸ್ಗೆ 1.30 ಲಕ್ಷ ರೂ, ದೈಹಿಕ ಶಿಕ್ಷಣ ಶಿಕ್ಷಕರ ಮತ್ತು ಎನ್ಸಿಸಿ ತಂಡಗಳ ಸಂಯೋಜನೆಗೆ 1.50 ಲಕ್ಷ ರೂ, ಎತ್ತಿನಗಾಡಿ ಮತ್ತು ಆನೆಗಳ ಸಂಯೋಜನೆಗೆ 6 ಲಕ್ಷ ರೂ, ಆಟೋರಿಕ್ಷಾ ಮೆರವಣಿಗೆಗೆ 1.75 ಲಕ್ಷ ರೂ, ಸಂಘ-ಸಂಸ್ಥೆಗಳ ಸಂಯೋಜನೆಗೆ 50 ಸಾವಿರ ರೂ, ಶಾಲಾ-ಕಾಲೇಜುಗಳ ಸಂಯೋಜನೆಗೆ 50 ಸಾವಿರ ರೂ, ಸಮ್ಮೇಳನ ಅಧ್ಯಕ್ಷರ ರಥ, ಜಿಲ್ಲಾಧ್ಯಕ್ಷರ ರಥ ಸೇರಿದಂತೆ ಇನ್ನಿತರೆ ವೆಚ್ಚ ಸೇರಿ 30 ಲಕ್ಷ ರೂ ಸೇರಿದಂತೆ 95 ಲಕ್ಷ ರೂ ಅಂದಾಜು ವೆಚ್ಚದ ಮಾಹಿತಿಯನ್ನು ಉಪ ಸಮಿತಿ ಸಂಚಾಲಕರು ಮಂಡಿಸಿದರು. ಇದನ್ನು ಅ.23ರಂದು ಜಿಲ್ಲಾ ಉಸ್ತುವಾರಿ ಸಚಿವ ಎನ್.ಚಲುವರಾಯಸ್ವಾಮಿ ಅಧ್ಯಕ್ಷತೆಯಲ್ಲಿ ನಡೆಯಲಿರುವ ಸಭೆಯಲ್ಲಿ ಚರ್ಚಿಸಲು ತೀರ್ಮಾನಿಸಲಾಯಿತು.
