ತುಮಕೂರಲ್ಲಿ ಪಾಕ್​ ಸಂಟನೆ!

ಎಂಎಫ್​ಐ ವಿರುದ್ಧ ತಿರುಗಿಬಿದ್ದ ಜಿಲ್ಲೆಯ ಮುಸ್ಲಿಂ ಧಾರ್ಮಿಕ ಮುಖಂಡರು

ತುಮಕೂರು: ಪಾಕಿಸ್ತಾನ ಮೂಲದ ಸಂಘಟನೆಯ ಚಟುವಟಿಕೆಗಳು ತುಮಕೂರಿನಲ್ಲಿ ತಲೆ ಎತ್ತಿದೆ ಎಂಬ ಆತಂಕ ಸೃಷ್ಟಿಯಾಗಿದೆ. ಇಸ್ಲಾಮಿಕ್​ ತತ್ವಗಳು, ನಂಬಿಕೆಗೆ ವಿರುದ್ಧವಾದ ಪಾಕ್​ ಮೂಲದ ರಿಯಾಜ್​ ಅಹ್ಮದ್​ ಗೋಹಲ್​ ಶಾಹಿ ಗುಂಪಿನ (ಎಂಎಫ್​ಐ) ಸಂಟನೆ ವಿರುದ್ಧ ಇದೀಗ ಮುಸ್ಲಿಂ ಧಾರ್ಮಿಕ ಮುಖಂಡರು ತಿರುಗಿಬಿದ್ದಿದ್ದಾರೆ. ಆದರೆ, ಎಂಎ್​ಐ ಸಕ್ರಿಯ ಸದಸ್ಯೆ ತುಮಕೂರಿನವರೇ ಆಗಿದ್ದು, ಯಾವುದೇ ಸಂಟನೆ ಇಲ್ಲಿ ಕಾರ್ಯಾಚರಣೆ ಮಾಡುತ್ತಿಲ್ಲ. ಬದಲಿಗೆ ಸಂಟನೆ ಸ್ಥಾಪಕ ಗೋಹಲ್​ ಶಾಹಿ ತತ್ವಗಳನ್ನು ಅನುಸರಿಸುತ್ತ ಸರ್ವಧರ್ಮ ಪಾಲನೆಗೆ ನೆರೆಹೊರೆಯವರನ್ನು ಪ್ರೇರೇಪಿಸುತ್ತಿದ್ದಾರೆ ಎಂಬ ಕಳವಳ ಸಮುದಾಯದಲ್ಲಿ ಉಂಟಾಗಿದೆ.

ಮುಸ್ಲಿಮರನ್ನು ತಪ್ಪು ದಾರಿಗೆಳೆಯುವ ಮತ್ತು ಭದ್ರತೆಯ ಆತಂಕ ಸೃಷ್ಟಿಸುವ ಈ ಸಂಘಟನೆ ಬಗ್ಗೆ ಪೊಲೀಸರು ನಿಗಾ ವಹಿಸಿ, ಸೂಕ್ತ ಕಾನೂನು ಕ್ರಮಕ್ಕೆ ಆಗ್ರಹಿಸಿ ತುಮಕೂರಿನಲ್ಲಿ ಸೋಮವಾರ ಮರ್ಕಜಿ ಮಜ್ಲಿಸೆ ಮುಶಾವರತ್​ ಸಂಟನೆ ನೇತೃತ್ವದಲ್ಲಿ ದೊಡ್ಡ ಸಂಖ್ಯೆಯಲ್ಲಿ ತುಮಕೂರು ನಗರದ ಮುಸ್ಲಿಮರೇ ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿಗಳಿಗೆ ಮನವಿ ಸಲ್ಲಿಸಿದರು.

ನೂರಾನಿ ಮಸೀದಿ ಅಧ್ಯಕ್ಷರು ಹಾಗೂ ಮರ್ಕಜಿ ಮಜ್ಲಿಸೆ ಮುಶಾವರತ್​ ಸದಸ್ಯರಾದ ಜಾಹಿದ್​ ಖಾನ್​ ಶಿರಾನಿ, ಇಕ್ಬಾಲ್​ ಅಹಮದ್​, ನಯಾಜ್​ ಅಹಮದ್​ ನೇತೃತ್ವದ ನಿಯೋಗವು ಹೆಚ್ಚುವರಿ ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿಗಳಾದ ಗೋಪಾಲ್​ ಹಾಗೂ ಪುರುಷೋತ್ತಮ್​ಗೆ ಮನವಿ ಸಲ್ಲಿಸಿ ತುಮಕೂರಿನಲ್ಲಿ ತಲೆ ಎತ್ತುತ್ತಿರುವ ಪಾಕಿಸ್ತಾನ ಮೂಲದ ಸಂಘಟನೆ ಬಗ್ಗೆ ತೀವ್ರ ನಿಗಾ ವಹಿಸುವಂತೆ ಒತ್ತಾಯಿಸಿದರು.

ಈ ಸಂದರ್ಭದಲ್ಲಿ ಮುಖಂಡ ಇಕ್ಬಾಲ್​ ಅಹ್ಮದ್​ ಮಾತನಾಡಿ, ರಿಯಾಜ್​ ಅಹ್ಮದ್​ ಗೋಹಲ್​ ಶಾಹಿ ಗುಂಪು (ಎಂಎಫ್​ಐ) ಪಾಕಿಸ್ತಾನದಲ್ಲಿ ಜನ್ಮತಳೆದಿರುವ ಸಂಘಟನೆಯಾಗಿದೆ. ಇದರ ಸ್ಥಾಪಕ ರಿಯಾಜ್​ ಅಹ್ಮದ್​ ಗೋಹರ್​ ಶಾಹಿರನ್ನು ಭಾರತದ ಎಲ್ಲ ಖ್ಯಾತ ಉಲಮಾಗಳು ಇಸ್ಲಾಮ್​ ಧರ್ಮದಿಂದ ಹೊರಗಿಟ್ಟಿದ್ದು, ಈ ಸಂಘಟನೆಯ ನಂಬಿಕೆಗಳು ಇಸ್ಲಾಮಿಕ್​ ತತ್ವಗಳಿಗೆ ವಿರುದ್ಧವಾಗಿವೆ. ಅಮಾಯಕ ಜನರನ್ನು ಈ ಸಂಟನೆ ತಪ್ಪು ದಾರಿಗೆಳೆಯುತ್ತಿದೆ. ಭಾರತೀಯ ಮುಸ್ಲಿಮರಿಗೆ ಇಂತಹ ಪಾಕಿಸ್ತಾನ ಮೂಲದ ಸಂಘಟನೆಗಳ ಅಗತ್ಯವಿಲ್ಲ. ಇವು ಸಮುದಾಯದ ಶಾಂತಿ, ಏಕತೆ ಮತ್ತು ಸಾಮರಸ್ಯಕ್ಕೆ ಅಪಾಯ ಉಂಟು ಮಾಡುವ ಆತಂಕ ಇದೆ ಎಂದು ಕಳವಳ ವ್ಯಕ್ತಪಡಿಸಿದರು.

ಈ ಸಂಘಟನೆಯ ಸದಸ್ಯರಿಗೆ ಇಸ್ಲಾಂ ಅಥವಾ ಮುಸ್ಲಿಂ ಸಮುದಾಯದೊಂದಿಗೆ ಯಾವುದೇ ಧಾರ್ಮಿಕ ಸಂಬಂಧ ಇಲ್ಲ. ಅವರ ಹೆಸರುಗಳು ಮುಸ್ಲಿಂ ಹೆಸರಿನಂತೆ ಕಂಡರೂ ಅವರ ನಂಬಿಕೆಗಳು ಮತ್ತು ಆಚರಣೆಗಳು ಸಂಪೂರ್ಣವಾಗಿ ಧರ್ಮದಿಂದ ಹೊರಗೆ ಇವೆ. ಹಾಗಾಗಿ ನಗರದ ಮುಸ್ಲಿಂ ಸಮುದಾಯವು ಅವರನ್ನು ಗುರುತಿಸುವುದಿಲ್ಲ, ಬೆಂಬಲಿಸುವುದಿಲ್ಲ. ಆ ಸಂಟನೆ ಸದಸ್ಯರು ಅವರು ಯಾವುದೇ ಅಕ್ರಮ ಅಥವಾ ಅಪರಾಧ ಚಟುವಟಿಕೆಗಳಲ್ಲಿ ತೊಡಗಿಕೊಂಡರೆ, ಅದರ ಜವಾಬ್ದಾರಿ ಸಮುದಾಯದ ಮೇಲೆ ಬಾರದಂತೆ ನೋಡಿಕೊಳ್ಳಬೇಕು ಎಂದು ಮನವಿ ಮಾಡಿದರು.

ಈ ಸಂದರ್ಭದಲ್ಲಿ ಮೌಲಾನಾ ಜಿಯಾ ಉರ್​ ರೆಹಮಾನ್​, ನಸ್ರುಲ್ಲಾ, ಅಬೂಬಕರ್​, ಬಿಲಾಲ್​, ಅಕ್ರಂ ಉಲ್ಲಾ ಖಾನ್​, ಅಹಮದ್​, ಜಿಯಾ ಉಲ್ಲಾಖಾನ್​, ಬಜರ್​, ಬಕಾಶ್​, ಇಮ್ರಾನ್​ ಪಾಷಾ, ನಯಾಜ್​ ಅಹ್ಮದ್​ ಸೇರಿದಂತೆ ಮುಸ್ಲಿಂ ಸಮುದಾಯದ ನೂರಾರು ಮಂದಿ ಇದ್ದರು.

ಗೋಹಲ್​ ಶಾಹಿ ಅನುಯಾಯಿ ಇಶ್ರತ್​!: ಪಾಕಿಸ್ತಾನ ಮೂಲದ ರಿಯಾಜ್​ ಅಹ್ಮದ್​ ಗೋಹಲ್​ ಶಾಹಿ ಗುಂಪಿನ (ಎಂಎಫ್​ಐ) ಸಂಟನೆ ಸ್ಥಾಪಕ ಶಾಹಿ ತಾನೂ ಕಲ್ಕಿ ಅವತಾರದ ಸೂಫಿ ಅಂತ ಹೇಳುತ್ತಿದ್ದು "ಸರ್ವಧರ್ಮ' ಪ್ರೀತಿಸಬೇಕೆಂಬ ಆತನನ್ನು ಮೂಲಭೂತವಾದಿ ಮುಸ್ಲಿಮರು ಪಾಕಿಸ್ತಾನದಿಂದಲೇ ಓಡಿಸಿದ್ದರು ಎನ್ನಲಾಗಿದೆ. ಲಂಡನ್​ನಲ್ಲಿ ವಾಸವಿದ್ದ ಗೋಹಲ್​ ಶಾಹಿ 6&7 ತಿಂಗಳ ಹಿಂದೆಯೇ ಸಾವನ್ನಪ್ಪಿದ್ದು ಆತನ ಸಂಟನೆ ತುಮಕೂರಿನಲ್ಲಿ ಕಾರ್ಯಾಚರಣೆ ಮಾಡುತ್ತಿಲ್ಲ. ಬದಲಾಗಿ ಆತ ನೀಡುತ್ತಿದ್ದ ಪ್ರವಚನಗಳು, ಬೋಧನೆಗಳನ್ನು "ಇನ್​ಸ್ಟ್ರಾಗ್ರಾಮ್​'ನಲ್ಲಿ ಕೇಳಿ ಆಕರ್ಷಿತರಾಗಿದ್ದ ತುಮಕೂರಿನ ಇಶ್ರತ್​ ಅವರ ಅನುಯಾಯಿಯಾಗಿ ಬದಲಾಗಿದ್ದಾರೆ. ಅಲ್ಲದೆ, ಎಂಎ್​ಐ ತತ್ವಗಳನ್ನು ಅನುಸರಿಸುವುದರ ಜತೆಗೆ ನೆರೆ ಹೊರೆಯವರಲ್ಲೂ ಅದರೆಡೆಗೆ ಆಸಕ್ತಿ ಹುಟ್ಟುವಂತೆ ಪ್ರೇರೇಪಿಸಿರುವುದು ಮುಸ್ಲಿಮ್​ ಧಾರ್ಮಿಕ ಮುಖಂಡರಲ್ಲಿ ಇಷ್ಟೆಲ್ಲಾ ಕಳವಳಕ್ಕೆ ಕಾರಣವಾಗಿದೆ. ಎರಡೂ ಕಡೆಯವರನ್ನು ಕರೆಸಿ ಈ ಬಗ್ಗೆ ಆತಂಕಗೊಳ್ಳುವ ಅಗತ್ಯವಿಲ್ಲ. ಜನರಲ್ಲಿ ಗೊಂದಲ ಉಂಟು ಮಾಡಿ ಶಾಂತಿ ಕದಡದಂತೆ ತಿಳಿಸಿರುವ ಪೊಲೀಸರು, ಪಾಕ್​ ಸಂಟನೆ ತುಮಕೂರಲ್ಲಿ ತಲೆಎತ್ತಿಲ್ಲ ಎಂಬುದನ್ನು ಸ್ಪಷ್ಟಪಡಿಸಿದ್ದಾರೆ.