ಮೊದಲ ಆದ್ಯತೆಯಾಗಿ ನಗರದಾದ್ಯಂತ ಇರುವ ಎಲ್ಲ ಹಂಪ್ಸ್ಗಳಿಗೂ ಕೂಡಲೇ ಬಿಳಿ ಬಣ್ಣ ಬಳಿಯಬೇಕು. ಈ ಕೆಲಸವನ್ನು 25 ದಿನದೊಳಗೆ ಪೂರ್ಣಗೊಳಿಸಬೇಕೆಂದು ಆಯುಕ್ತರು ಗಡುವು ನೀಡಿದ್ದಾರೆ. ಈ ಸೂಚನೆಯಂತೆ ಶುಕ್ರವಾರ ಜಿಲ್ಲಾ ಪಂಚಾಯಿತಿ ಕಚೇರಿ, ಕ್ರಾಫರ್ಡ್ಹಾಲ್, ಕುಕ್ಕರಹಳ್ಳಿ ಕೆರೆ ಮುಂಭಾಗದ ರೈಲ್ವೆ ಜಂಕ್ಷನ್ ಬಳಿ ಸೇರಿದಂತೆ ನಗರದ ಕೆಲವು ರಸ್ತೆಗಳಲ್ಲಿ ಹಂಪ್ಗಳಿಗೆ ಬಣ್ಣ ಬಳಿಯಲಾಯಿತು.
ಕೇವಲ ಬಣ್ಣ ಬಳಿಯುವುದಷ್ಟೇ ಅಲ್ಲದೆ, ರಸ್ತೆ ಡುಬ್ಬವಿರುವ ಜಾಗದಲ್ಲಿ ಅದರ ಇರುವಿಕೆಯನ್ನು ಗುರುತಿಸಲು ಸಹಕಾರಿಯಾಗುವಂತೆ ರಿಫ್ಲೆಕ್ಟ್ ಸ್ಟಡ್ಸ್ಗಳನ್ನು ಅಳವಡಿಸುವಂತೆ ಆಯುಕ್ತರು ಸೂಚಿಸಿದ್ದಾರೆ. ಇದರಿಂದ ರಾತ್ರಿ ವೇಳೆಯಲ್ಲಿ ಈ ಸ್ಟಡ್ಸ್ಗಳಲ್ಲಿರುವ ಸೋಲಾರ್ ಲೈಟ್ ಬ್ಲಿಂಕ್ ಆಗುತ್ತವೆ. ಇದರಿಂದಾಗಿ ರಸ್ತೆ ಡುಬ್ಬಗಳ ಇರುವಿಕೆಯನ್ನು ವಾಹನ ಸವಾರರು ಸುಲಭವಾಗಿ ದೂರದಿಂದಲೇ ಗುರುತಿಸಿ ಎಚ್ಚರಿಕೆಯಿಂದ ತೆರಳಲು ಅನುಕೂಲವಾಗಲಿದೆ. ಅಪಾಯಗಳನ್ನು ತಡೆಯಲು ಸಹಕಾರಿ ಆಗಲಿದೆ.
