ಆ.2, 3ಕ್ಕೆ ಉಜ್ಜಯಿನಿ ಜಗದ್ಗುರುಗಳ ಮಹಾಪೂಜೆ; ಜನಜಾಗೃತಿ ಧರ್ಮ ಸಮಾರಂಭ

ಬೆಂಗಳೂರು: ಪ್ರತಿವರ್ಷದಂತೆ ಆಷಾಡ ಮಾಸದ ಅಂಗವಾಗಿ ಆ.2 ಮತ್ತು 3ರಂದು ಶ್ರೀ ಉಜ್ಜಯಿನಿ ಜಗದ್ಗರು ಶ್ರೀಸಿದ್ಧಲಿಂಗ ರಾಜದೇಶೀಕೇಂದ್ರ ಶಿವಾಚಾರ್ಯ ಮಹಾಸ್ವಾಮಿಗಳ ಇಷ್ಟಲಿಂಗ ಮಹಾಪೂಜೆ ಹಾಗೂ ಜನಜಾಗೃತಿ ಧರ್ಮ ಸಮಾರಂಭವನ್ನು ಆಯೋಜಿಸಲಾಗಿದೆ.

ಬಸವನಗುಡಿ ರಸ್ತೆಯಲ್ಲಿರುವ ಶ್ರೀನಿಜಗುಣ ಕಲ್ಯಾಣ ಮಂಟಪದಲ್ಲಿ ಪ್ರತಿದಿನ ಬೆಳಗ್ಗೆ 8 ಗಂಟೆಯಿಂದ ಸಾಮೂಹಿಕ ಮಹಾಪೂಜೆ, ಸಂಜೆ 6 ಗಂಟೆಗೆ ಧರ್ಮ ಸಭೆ ನಡೆಯಲಿದೆ ಎಂದು ಸಮಿತಿ ಖಜಾಂಚಿ ಬಿಜ್ಜಳ್ಳಿ ನಂದೀಶ್ ತಿಳಿಸಿದ್ದಾರೆ.

ಎರಡು ದಿನಗಳು ನಡೆಯುವ ಸಮಾರಂಭದಲ್ಲಿ ಎಡೆಯೂರು, ವಿಭೂತಿಪುರ, ಶಿವಗಂಗೆ, ರಾಜಾಪುರ, ನಾಗಲಾಪುರ ಸೇರಿದಂತೆ ವಿವಿಧ ಮಠಗಳ ಶ್ರೀಗಳು, ಷಡಕ್ಷರಿ ಶಾಸ್ತ್ರಿಗಳ ನೇತೃತ್ವದ ವೈಧಿಕರ ತಂಡ ಪಾಲ್ಗೊಳ್ಳಲಿದೆ.

ವಿಧಾನ ಪರಿಷತ್ ಸದಸ್ಯ ಯು.ಬಿ.ವೆಂಕಟೇಶ್, ಶಾಸಕರಾದ ರವಿಸುಬ್ರಹ್ಮಣ್ಯ, ಸಂಸದರಾದ ತೇಜಸ್ವಿ ಸೂರ್ಯ, ಕೇಂದ್ರ ಸಚಿವರಾದ ವಿ.ಸೋಮಣ್ಣ, ನಿವೃತ್ತ ಐಪಿಎಸ್ ಅಧಿಕಾರಿ ಜ್ಯೋತಿಪ್ರಕಾಶ್ ಮಿರ್ಜಿ, ಧಾರ್ಮಿಕ ದತ್ತಿ ಇಲಾಖೆ ಆಯುಕ್ತ ಬಸವರಾಜೇಂದ್ರ ಮತ್ತಿತರ ಗಣ್ಯರು ಕಾರ್ಯಕ್ರಮಕ್ಕೆ ಆಗಮಿಸಲಿದ್ದು, ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸುವಂತೆ ಸೇವಾ ಸಮಿತಿಯ ಉಪಾಧ್ಯಕ್ಷ ಶಿವಶಂಕರ ಶಾಸಿಗಳು ಮನವಿ ಮಾಡಿದ್ದಾರೆ.

https://www.vijayavani.net/storyteller-dayanandas-story-collection-buddhas-ear-has-been-selected-for-the-dr-h-shantaram-literary-award