ಮಳೆ ನೀರಲ್ಲಿ ಕೊಚ್ಚಿ ಹೋದ ವೃದ್ಧೆ; ಕಾಲುವೆಯಲ್ಲಿ ಬೈಕ್​ ಕೊಚ್ಚಿಕೊಂಡು ಹೋದರೂ ಪ್ರಾಣಾಪಾಯದಿಂದ ಪಾರಾದ ಸವಾರ

ಕೋಲಾರ: ಜಿಲ್ಲೆಯಾದ್ಯಂತ ಭಾರಿ ಮಳೆಯಾಗಿದ್ದು, ಕಾಲುವೆಯೊಂದರಲ್ಲಿ ವೃದ್ಧೆಯೊಬ್ಬರ ಜೊತೆಗೆ ಬೈಕ್​ ಕೂಡ ಕೊಚ್ಚಿಕೊಂಡು ಹೋಗಿದ್ದರೆ, ಬೈಕ್​ ಚಲಾಯಿಸುತ್ತಿದ್ದವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಕೋಲಾರ ಜಿಲ್ಲೆಯ ಶ್ರೀನಿವಾಸಪುರ ತಾಲೂಕಿನ ಎ. ಕೊತ್ತೂರು ಬಳಿ ಈ ಘಟನೆ ಸಂಭವಿಸಿದೆ.

ಮಾಜಿ ಸ್ಪೀಕರ್ ರಮೇಶ್ ಕುಮಾರ್ ಅವರ ಸ್ವಗ್ರಾಮದ ಅಡ್ಡಗಲ್​ನ ಫಾರ್ಮ್ ಹೌಸ್ ಬಳಿ ಇರುವ ಬೃಹತ್ ಕಾಲುವೆಯಲ್ಲಿ ಈ ಅವಘಡ ಸಂಭವಿಸಿದೆ. ಮಳೆ ನೀರು ತುಂಬಿ ಹರಿಯುತ್ತಿದ್ದ ಈ ಕಾಲುವೆಯಲ್ಲಿ 65 ವರ್ಷದ ಅಮರಾವತಮ್ಮ ಎಂಬ ವೃದ್ಧೆ ಕೊಚ್ಚಿಕೊಂಡು ಹೋಗಿದ್ದಾರೆ.

ಇದನ್ನೂ ಓದಿ: ವೈಯಕ್ತಿಕ ದ್ವೇಷಕ್ಕೆ ಮರ್ಮಾಂಗವೇ ಕಟ್!; ಅದನ್ನೇ ಕತ್ತರಿಸಿ ಕ್ರೌರ್ಯ ಮೆರೆದ ಮೂವರು ದುರುಳರು..

ರಮೇಶ್ ಕುಮಾರ್ ಅವರ ಆಪ್ತ ರೆಡ್ಡಪ್ಪ ಎಂಬುವವರ ಪತ್ನಿ ಅಮರಾವತಮ್ಮ ಹಾಗೂ ಬಾಬು ಎಂಬವರು ಬೈಕ್​ನಲ್ಲಿ ತೆರಳುತ್ತಿದ್ದಾಗ ಈ ದುರಂತ ಸಂಭವಿಸಿದೆ. ಅದೃಷ್ಟವಶಾತ್ ಬಾಬು ಮರದ ಕೊಂಬೆ ರಕ್ಷಣೆ ಪಡೆದು ಪ್ರಾಣಾಪಯದಿಂದ ಪಾರಾಗಿದ್ದಾರೆ. ಗೌನಿಪಲ್ಲಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಪ್ರಕರಣ ನಡೆದಿದೆ.

https://www.vijayavani.net/hot-blame-game-between-dk-shivakumar-and-araga-jnanendra/

https://www.vijayavani.net/crow-came-to-siddaramaiahs-office-and-sat-on-name-board/