1937ರಲ್ಲಿ ಎಂ.ಡಿ ಅಧಿಕಾರಿ ಪ್ರಚಾರಕ್ಕೆ ಧುಮುಕಿದ್ದು, 1938ರಲ್ಲಿ ಕಾರ್ಕಳ ಕಾಂಗ್ರೆಸ್ ಅಧ್ಯಕ್ಷರೂ ಆದರು. 1942ರಲ್ಲಿ ಆಗಿನ ಜಿಲ್ಲಾಧ್ಯಕ್ಷ ಶ್ರೀನಿವಾಸ ಮಲ್ಯರ ಬಂಧನದ ಕಾರಣದಿಂದ ಎಂ.ಡಿ ಅಧಿಕಾರಿ ಅಧ್ಯಕ್ಷ ಜವಾಬ್ದಾರಿ ವಹಿಸಿಕೊಂಡರು. ಬಳಿಕ ಮಂಗಳೂರಿನಲ್ಲಿ ಕ್ವಿಟ್ ಇಂಡಿಯಾ ಚಳವಳಿಯ ನೇತೃತ್ವ ವಹಿಸಿದರು. ಪತಿ ಅಧಿಕಾರಿ ಹೋರಾಟಕ್ಕೆ ಪತ್ನಿ ಕಮಲಾವತಿ ಸಾಥ್ ನೀಡಿದರು. ಕರಾವಳಿ ಕರ್ನಾಟಕದ ಸ್ವಾತಂತ್ರೃ ಹೋರಾಕ್ಕೆ ಕಿಚ್ಚು ಹಚ್ಚಿದ್ದು, ಮಂಗಳೂರಿನಲ್ಲಿ ಮಹಾತ್ಮ ಗಾಂಧೀಜಿ ಮತ್ತು ಕಸ್ತೂರ್ಬಾ ಹೆಸರಿನಲ್ಲಿ ನಿಧಿ ಸ್ಥಾಪಿಸಿದರು. ಸಹಕಾರಿ ಕ್ಷೇತ್ರಕ್ಕೆ ಪಾದಾರ್ಪಣೆ ಮಾಡಿ ವರಂಗ ವ್ಯವಸಾಯಿಕ ಸೇವಾ ಸಹಕಾರಿ ಸಂಘದ ಸ್ಥಾಪಕಾಧ್ಯಕ್ಷರಾಗಿ ಸೇವೆ ಸಲ್ಲಿಸಿದ್ದರು.
