ನಾಮಫಲಕ ಅಳವಡಿಸಲು ಒತ್ತಾಯ

ಕೊಂಡ್ಲಹಳ್ಳಿ: ಗ್ರಾಮದ ಬಿಳಿನೀರು ಚಿಲುಮೆ ಪುಣ್ಯಕ್ಷೇತ್ರ, ಬಿ.ಜಿ.ಕೆರೆ, ಓಬಣ್ಣನಹಳ್ಳಿ ಮಾರ್ಗ ಸೂಚಿಸುವ ನಾಮಫಲಕ ಬಿದ್ದಿದೆ.

ಮಲ್ಪೆ-ಮೊಳಕಾಲ್ಮೂರಿಗೆ ಸಂಪರ್ಕ ಕಲ್ಪಿಸುವ ರಾಜ್ಯ ಹೆದ್ದಾರಿಯ ಪಕ್ಕದಲ್ಲಿನ ನೆಹರು ವೃತ್ತದ ವ್ಯಾಪ್ತಿಯಲ್ಲಿ ನಾಮಫಲಕ ಅಳವಡಿಸಲಾಗಿತ್ತು. ಬಿದ್ದು ತಿಂಗಳು ಕಳೆದರೂ ಅದನ್ನು ಮರು ಸ್ಥಾಪಿಸದ ಕಾರಣ ಈ ಮಾರ್ಗದಲ್ಲಿ ಸಂಚರಿಸುವ ಪ್ರಯಾಣಿಕರಿಗೆ ತೊಂದರೆಯಾಗಿದೆ.

ಇಷ್ಟಾದರೂ ಲೋಕೋಪಯೋಗಿ ಇಲಾಖೆ ಅಧಿಕಾರಿಗಳು ಇತ್ತ ಕಡೆ ಗಮನಹರಿಸಿಲ್ಲ.

ತಕ್ಷಣವೇ ಅಧಿಕಾರಿಗಳು ಬೋರ್ಡ್ ಅಳವಡಿಸಿ ಪ್ರಯಾಣಿಕರಿಗೆ ಅನುಕೂಲ ಮಾಡಿಕೊಡಬೇಕೆಂದು ಗ್ರಾಮಸ್ಥರು ಒತ್ತಾಯಿಸಿದ್ದಾರೆ.