ಕೇಣಿಯಲ್ಲಿ ಬಂದರು ನಿರ್ಮಾಣ ಮಾಡಿ, ಸ್ಥಳೀಯರನ್ನು ವಿಶ್ವಾಸಕ್ಕೆ ತೆಗೆದುಕೊಳ್ಳದೇ ನಿರ್ಲಕ್ಷಿಸಲಾಗಿದೆ. ಯೋಜನೆಯ ಪರಿಸರ ಹಾನಿ ವರದಿಯನ್ನು ವೈಜ್ಞಾನಿಕವಾಗಿ ಮಾಡಿಲ್ಲ. ಯೋಜನೆಯಿಂದ ಸಾವಿರಾರು ಮೀನುಗಾರರು ಹಾಗೂ ಕೃಷಿಕರ ಬದುಕು ನಾಶವಾಗಲಿದೆ. ಈಗಾಗಲೇ ಸೀಬರ್ಡ್, ಕೊಂಕಣ ರೈಲ್ವೆಗೆ ಜಮೀನು ಕಳೆದುಕೊಂಡವರಿಗೆ ಮತ್ತೆ ನಿರಾಶ್ರಿತರಾಗುವ ಆತಂಕ ಕಾಡಿದೆ. ನೌಕಾನೆಲೆಯ ಪಕ್ಕದಲ್ಲೇ ಇರುವುದರಿಂದ ಇದೊಂದು ಸೂಕ್ಷ÷್ಮ ಪ್ರದೇಶವೂ ಹೌದು. ಈಗಾಗಲೇ ಹೊರಗಿನಿಂದ ಬಂದವರು ಮಧ್ಯವರ್ತಿಗಳಾಗಿ ಕಾರ್ಯ ಮಾಡುತ್ತಿದ್ದಾರೆ. ವಿರೋಧ ಮಾಡುವ ಸ್ಥಳೀಯರಿಗೆ ಬೆದರಿಕೆ ಹಾಕುವ ಕಾರ್ಯ ಮಾಡುತ್ತಿದ್ದಾರೆ. ಹಾಗಾಗಿ ಮೀನುಗಾರರು, ಕೃಷಿಕರ ಆತಂಕಕ್ಕೆ ಕಾರಣವಾಗಿದೆ. ಇದರಿಂದ ಕೇಣಿ ಗ್ರೀನ್ ಫೀಲ್ಡ್ ಬಂದರು ಯೋಜನೆಯನ್ನು ಬೇರೆಡೆ ಸ್ಥಳಾಂತರ ಮಾಡಬೇಕು ಎಂದು ಒತ್ತಾಯಿಸಿದರು. ಬಿಜೆಪಿ ಪ್ರಮುಖರಾದ ರಾಜೇಂದ್ರ ನಾಯ್ಕ, ಹೂವಾ ಖಂಡೇಕರ್ ಹಾಗೂ ಇತರರು ಇದ್ದರು.
