ಪ್ರಯಾಣಿಕರ ಸುರಕ್ಷತೆಗಾಗಿ ನಾಡಪ್ರಭು ಕೆಂಪೇಗೌಡ ಇಂಟರ್ಚೇಂಜ್ ಮೆಟ್ರೋ ನಿಲ್ದಾಣದಲ್ಲಿ ನೇರಳೆ ಮಾರ್ಗದ ಪ್ಲಾಟ್ಫಾರ್ಮ್ನಲ್ಲಿ ಕಾಯಂ ಬ್ಯಾರಿಕೇಡ್ ಅಳವಡಿಸಲಾಗಿದೆ. ಪ್ರಯಾಣಿಕರಿಗೆ ಇದು ತಕ್ಕಷ್ಟು ಸುರಕ್ಷತೆ ನೀಡುತ್ತದೆ. ಇದೊಂದು ಉತ್ತಮ ಕ್ರಮವೇ ಆಗಿದ್ದರೂ, ಶಾಶ್ವತ ಪರಿಹಾರವಲ್ಲ. ಮೇಲಾಗಿ ಇದು ತೋರಿಕೆಗೆ ಮಾಡಿದ ವ್ಯವಸ್ಥೆಯಂತಿದೆ. ಬ್ಯಾರಿಕೇಡ್ ಮಧ್ಯೆ ಅಂತರಗಳಿದ್ದು, ಈಗಲೂ ಆತ್ಮಹತ್ಯೆ ಕೃತ್ಯಗಳಿಗೆ ಮುಕ್ತ ಅವಕಾಶ ನೀಡಿದಂತಾಗಿದೆ. ವಿಪರೀತ ಜನದಟ್ಟಣೆಗೆ ಸಾಯಾಗುವ ಈ ನಿಲ್ದಾಣದಲ್ಲಿ ಬೆರಳೆಣಿಯ ಭದ್ರತಾ ಸಿಬ್ಬಂದಿ ಇರುವುದರಿಂದ ನಿರ್ವಹಣೆ ಸುಲಭವಲ್ಲ. ವಿಚಿತ್ರವೆಂದರೆ, ನೇರಳೆ ಮಾರ್ಗದ ಪ್ಲಾಟ್ಾಮ್ರ್ನಲ್ಲಿ ಬ್ಯಾರಿಕೇಡ್ ಅಳವಡಿಸಿರುವ ಬಿಎಂಆರ್ಸಿಎಲ್, ಹಸಿರು ಮಾರ್ಗದ ಪ್ಲಾಟ್ಫಾರ್ಮ್ನಲ್ಲಿ ಈ ವ್ಯವಸ್ಥೆ ಕಲ್ಪಿಸುವಲ್ಲಿ ಉದಾಸೀನ ತೋರಿದೆ. ಸ್ವಯಂಚಾಲಿತ ಸ್ಕ್ರೀನ್ಡೋರ್ಗಳೇ ಈ ಸಮಸ್ಯೆಗೆ ಶಾಶ್ವತ ಪರಿಹಾರ ಒದಗಿಸಬಲ್ಲದು ಎಂಬುದು ಗೊತ್ತಿದ್ದರೂ ಅಧಿಕಾರಿಗಳು ಜಾಣಕುರುಡು ಪ್ರದರ್ಶಿಸುತ್ತಿದ್ದಾರೆ ಎಂಬುದು ಪ್ರಜ್ಞಾವಂತ ಪ್ರಯಾಣಿಕರ ಆಕ್ರೋಶ.
