ಎನ್​ಎಸ್​ಎಸ್​ ವಿದ್ಯಾಥಿರ್ಗಳಿಂದ ಹೆಚ್​ಐವಿ ಏಡ್ಸ್​ ಅರಿವು ಕಾರ್ಯಕ್ರಮ

ವಿಜಯವಾಣಿ ಸುದ್ದಿಜಾಲ ಗದಗ

ನಗರದ ಪಿಪಿಜಿ ಕಲಾ ಮಹಾವಿದ್ಯಾಲಯ ಎನ್​ಎಸ್​ಎಸ್​ ಟಕ ವತಿಯಿಂದ ಪಂಡಿತ ಪುಟ್ಟರಾಜ ಗವಾಯಿಗಳ ಕಲಾ ಮಾಹಾವಿದ್ಯಾಲಯದಲ್ಲಿ ಶನಿವಾರ ಏಡ್ಸ್​ ತಡೆಗಟ್ಟು ಕುರಿತು ಅರಿವು ಕಾರ್ಯಕ್ರಮ ಜರುಗಿತು.

ಜಿಲ್ಲಾ ಏಡ್ಸ್​ ನಿಯಂತ್ರಣಾಧಿ ಡಾ. ಅರುಂಧತಿ ಕುಲಕಣಿರ್ ಮಾತನಾಡಿ, ಹೆಚ್​.ಐ.ವಿ. ಏಡ್ಸ್​ ತಡೆಗಟ್ಟುವಲ್ಲಿ ಯುವಕರ ಪಾತ್ರ ಮುಖ್ಯವಾಗಿದೆ. ಎಲ್ಲ ಯುವಕರು ಕಾಲೇಜ ವಿದ್ಯಾಥಿರ್ಗಳು ತ್ವರಿತಗತಿಯಲ್ಲಿ ಹೆಚ್​.ಐ.ವಿ. ಬಗ್ಗೆ ಪ್ರಚಾರ ಕೈಗೊಂಡು, ಬೀದಿ ನಾಟಕ ಹಾಗೂ ಸಂಗೀತ ಕಲಾ ಪ್ರದರ್ಶನಗಳ ಮೂಲಕ ಹೆಚ್​.ಐ.ವಿ. ಏಡ್ಸ್​ ಅರಿವನ್ನು ಸಮುದಾಯದಲ್ಲಿ ಮೂಡಿಸಬೇಕು. ಯುವಕರು ಸಂಯಮದಿಂದ ತಮ್ಮ ಭವಿಷ್ಯವನ್ನು ರೂಪಿಸಿಕೊಳ್ಳಲು ಸಧೃಢ ಆರೋಗ್ಯವನ್ನು ಹೊಂದಿ ಸಮೃಧ್ದ ಭಾರತವನ್ನು ನಿರ್ಮಾಣ ಮಾಡಲು ಕೈಗೂಡಿಸಬೇಕು ಎಂದು ತಿಳಿಸಿದರು.

ಕಾರ್ಯಕ್ರಮದ ಅಧ್ಯತೆ ವಹಿಸಿ ಮಾತನಾಡಿದ ಪ್ರಾಚಾರ್ಯ ಡಾ. ಆರ್​.ಎಸ್​. ದಾನರೆಡ್ಡಿ, ವಿದ್ಯಾಥಿರ್ಗಳು ಯವ್ವನದಲ್ಲಿ ತಮ್ಮ ಜೀವನವನ್ನು ಜೋಪಾನ ಮಾಡಿಕೊಂಡು ಆರೋಗ್ಯಕರ ನಡುವಳಿಕೆಗಳನ್ನು ರೂಪಿಸಿಕೊಳ್ಳಬೇಕು ಎಂದರು. ಕಾರ್ಯಕ್ರಮದಲ್ಲಿ ಏಡ್ಸ ತಡೆಗಟ್ಟುವ ಜಾಗರತಿ ಕುರಿತು ನಾಟಕ ಪ್ರದರ್ಶನ ನಡೆಯಿತು. ಡಾ. ನಿಂಗೋಜಿ, ಪ್ರೊ.ಮಂಜುಳಾ ಹೊಂಬಾಳಿ, ಬಸವರಾಜ ಲಾಳಗಟ್ಟಿ ಇತರರು ಇದ್ದರು.