ಗಮನಸೆಳೆದ ಗ್ರಾಮೀಣ ಆಟ

ಅಥಣಿ ಗ್ರಾಮೀಣ: ಅಥಣಿ ತಾಲೂಕಿನ ಕೋಹಳ್ಳಿ ಗ್ರಾಮದ ಶ್ರೀ ಸಂಗಮೇಶ್ವರ ಜಾತ್ರಾ ಮಹೋತ್ಸವ ನಿಮಿತ್ತ ಈಚೆಗೆ ವಿವಿಧ ಸ್ಪರ್ಧೆ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮ ಜರುಗಿದವು.

ಸಂಗ್ರಾಮಕಲ್ಲು ಎತ್ತುವ ಸ್ಪರ್ಧೆಯಲ್ಲಿ ಬಿಸನಾಳ ಗ್ರಾಮದ ರಿಯಾಜ್ ಜಮಾದಾರ ಪ್ರಥಮ, ಕಿರಣ ಅರಕೇರಿ ದ್ವಿತೀಯ, ಸಂತೋಷ ಬಿರಾದಾರ ತೃತೀಯ ಸ್ಥಾನ ಪಡೆದರು. ಗುಂಡು ಎತ್ತುವ ಸ್ಪರ್ಧೆಯಲ್ಲಿ ಯಡ್ರಾವಿ ಗ್ರಾಮದ ಕರೆಪ್ಪ ಪೂಜಾರಿ ಪ್ರಥಮ, ದಶರಥ ಯಳವಾರ ದ್ವಿತೀಯ, ಶಡ್ಯಾಳ ಗ್ರಾಮದ ಭೀರಪ್ಪ ಪೂಜಾರಿ ತೃತೀಯ ಸ್ಥಾನ ಪಡೆದುಕೊಂಡರು. ಎಲ್ಲ ಸ್ಪರ್ಧಾಳುಗಳಿಗೆ ಸಮಾಧಾನಕರ ಬಹುಮಾನ ನೀಡಲಾಯಿತು.

150 ಕೆಜಿ ಚೀಲ ಎತ್ತುವ ಸ್ಪರ್ಧೆಯಲ್ಲಿ ಲಗಮಣ್ಣ ಪೂಜಾರಿ ಪ್ರಥಮ, ಕರೆಪ್ಪ ಪೂಜಾರಿ ದ್ವಿತೀಯ ಸ್ಥಾನ ಪಡೆದುಕೊಂಡರು. ರಾತ್ರಿ ರಸಮಂಜರಿ ಕಾರ್ಯಕ್ರಮ ಜರುಗಿದವು.