52 ಸಾವಿರ ಯೂನಿಟ್ ರಕ್ತ ಸಂಗ್ರಹಕ್ಕೆ ಅಧಿಕಾರಿಗಳ ಗುರಿ
ಜಿಲ್ಲೆಯ ಜನಸಂಖ್ಯೆ 52 ಲಕ್ಷ ಇದ್ದು, ಶೇ.1ರಷ್ಟು ರಕ್ತ ಸಂಗ್ರಹಕ್ಕೆ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಅಧಿಕಾರಿಗಳು ಗುರಿ ಹೊಂದಿದ್ದು, ಜಿಲ್ಲೆಯಲ್ಲಿ 52 ಸಾವಿರ ಯೂನಿಟ್ ರಕ್ತ ಸಂಗ್ರಹವಾಗಬೇಕಿತ್ತು. ಆದರೆ, 2019 ಮಾರ್ಚ್ನಿಂದ 2020ರ ಏಪ್ರಿಲ್ ತಿಂಗಳವರೆಗೆ ಕೇವಲ 38,675 ಯೂನಿಟ್ ರಕ್ತ ಸಂಗ್ರಹವಾಗಿದೆ. ಕೋವಿಡ್-19 ಹಿನ್ನೆಲೆಯಲ್ಲಿ ರಕ್ತ ಸಂಗ್ರಹಕ್ಕೆ ಹಿನ್ನಡೆಯಾಗಿದೆ. ರಕ್ತದಾನ ಶಿಬಿರ ಹಮ್ಮಿಕೊಳ್ಳುವುದಕ್ಕೆ ಮಾರಕ ಕರೊನಾ ಸೋಂಕು ಅಡ್ಡಿಯುಂಟು ಮಾಡಿದೆ ಎಂದು ಅಧಿಕಾರಿಗಳು ಹೇಳುತ್ತಾರೆ. ಯುವ ಸಮೂಹ ಹಾಗೂ ದಾನಿಗಳು ಸ್ವಯಂ ಪ್ರೇರಣೆಯಿಂದ ಮುಂದೆ ಬಂದು ರಕ್ತದಾನ ಮಾಡಬೇಕು ಎಂದು ವಿನಾಯಕ ಮನವಿ ಮಾಡಿದ್ದಾರೆ.
