ಕಪಾಳಮೋಕ್ಷಕ್ಕೆ ಮುಂದಾದ ಅಧಿಕಾರಿ: ಆಕ್ಷೇಪ ಹಾಗೂ ಬೆದರಿಕೆ ಹಿನ್ನೆಲೆಯಲ್ಲಿ ‘ರೌದ್ರ ಅವತಾರ’ ತಾಳಿದ ಲಕ್ಷ್ಮೀ, ಪುಂಡರನ್ನು ತರಾಟೆಗೆ ತೆಗೆದುಕೊಂಡರು. ಮಾತ್ರವಲ್ಲ, ಅವರ ಕೆನ್ನೆಗೆ ಬಾರಿಸಲು ಮುಂದಾದರು. ಈ ವೇಳೆ ಸ್ಥಳದಲ್ಲಿದ್ದ ಪಾಲಿಕೆ ಸಿಬ್ಬಂದಿ, ಸ್ಥಳೀಯ ಮುಖಂಡರು ತಡೆದರು. ಬಳಿಕ ಎಂಇಎಸ್ ನಾಯಕರು, ಸ್ಥಳದಲ್ಲಿಯೇ ಅಧಿಕಾರಿಗೆ ಕೈಮುಗಿದು, ತಪ್ಪಾಗಿದೆ ಎಂದು ವಿನಂತಿಸಿದರು. ಇದಕ್ಕೂ ಸುಮ್ಮನಾಗದ ಲಕ್ಷ್ಮೀ, ‘ತಾಕತ್ತಿದ್ರೆ ವೇದಿಕೆ ಮೇಲೆ ಬಾರೋ. ಇಲ್ಲಾ, ಅಲ್ಲೇ ನಿಂತ್ಕೋ ನಾನೇ ಬರ್ತೆನೆ’ ಎಂದು ಗುಡುಗುತ್ತಿದ್ದಂತೆ, ಪೊಲೀಸರು ಮಧ್ಯಪ್ರವೇಶಿಸಿ ಪರಿಸ್ಥಿತಿ ಹತೋಟಿಗೆ ತಂದರು. ಬಳಿಕ ಪುಂಡರು ಅಲ್ಲಿಂದ ಕಾಲ್ಕಿತ್ತರು.
