1958ರಲ್ಲಿ ನಿರ್ವಣಗೊಂಡ ನೆಹರು ಮೈದಾನ ಹುಬ್ಬಳ್ಳಿ-ಧಾರವಾಡ ಮಹಾನಗರ ಪಾಲಿಕೆಯ ಆಸ್ತಿ. ‘ಈ ಮೈದಾನವನ್ನು ಕ್ರೀಡೆಗೆ ಮಾತ್ರ ಮೀಸಲಿಡಬೇಕು. ಕ್ರೀಡೇತರ ಚಟುವಟಿಕೆಗೆ ನೀಡಬಾರದು’ ಎಂದು ಪಾಲಿಕೆಯ ಸಾಮಾನ್ಯ ಸಭೆಯಲ್ಲಿ ಹಿಂದೆ 2-3 ಬಾರಿ ಠರಾವು ಸ್ವೀಕರಿಸಲಾಗಿದೆ. ಅದು ಕರಾರುವಕ್ಕಾಗಿ ಅನುಷ್ಠಾನಕ್ಕೆ ಬಂದಿಲ್ಲ. ಬಿಜೆಪಿಯ ಪೂರ್ಣಾ ಪಾಟೀಲ ಅವರು ಮೇಯರ್ ಆಗಿದ್ದಾಗ 2011ರ ಸೆಪ್ಟೆಂಬರ್ 29ರಂದು ಪಾಲಿಕೆಯ ಸಾಮಾನ್ಯ ಸಭೆಯಲ್ಲಿ ಬಾಡಿಗೆಯನ್ನು ದುಪ್ಪಟ್ಟು ಹೆಚ್ಚಿಸಿ ನೆಹರು ಮೈದಾನವನ್ನು ರಾಜಕೀಯ, ಧಾರ್ವಿುಕ, ಇನ್ನಿತರ ಕ್ರೀಡೇತರ ಚಟುವಟಿಕೆಗಳಿಗೆ ನೀಡಲು ಠರಾವು (ನಂ. 845) ಸ್ವೀಕರಿಸಲಾಗಿತ್ತು. ಅದರಂತೆ 2011ರ ಅಕ್ಟೋಬರ್ 1ರಿಂದ ಅನ್ವಯವಾಗುವಂತೆ ಕ್ರೀಡೆ ಹಾಗೂ ಕ್ರೀಡೇತರ ಚಟುವಟಿಕೆಗಳಿಗೆ ಬಾಡಿಗೆ ದರವನ್ನು ಪರಿಷ್ಕರಿಸಿ ಜಾರಿಗೆ ತರಲಾಯಿತು. ರಾಜಕೀಯ ಸಭೆ ಅಥವಾ ಸಮಾರಂಭ ಹಾಗೂ ಸಂಗೀತ ಸಂಜೆ, ರಸಮಂಜರಿ ಕಾರ್ಯಕ್ರಮಗಳಿಗೆ 50 ಸಾವಿರ ರೂ., ರಾಜಕೀಯ ಪಕ್ಷಗಳ ಸಮ್ಮೇಳನ, ಪ್ರದರ್ಶನಗಳಿಗೆ 30 ಸಾವಿರ ರೂ., ಸಂಘ-ಸಂಸ್ಥೆಗಳ ಸಾಮಾಜಿಕ, ಸಾಂಸ್ಕೃತಿಕ ಕಾರ್ಯಕ್ರಮಗಳಿಗೆ 20 ಸಾವಿರ ರೂ., ಸಂಘ-ಸಂಸ್ಥೆಗಳ ಧಾರ್ವಿುಕ ಕಾರ್ಯಕ್ರಮಗಳಿಗೆ 4 ಸಾವಿರ ರೂ., ಹೀಗೆ ವಿವಿಧ ಕಾರ್ಯಕ್ರಮ, ಇವೆಂಟ್ಗಳಿಗೆ ದಿನ ಬಾಡಿಗೆ ನಿಗದಿಪಡಿಸಲಾಗಿತ್ತು. ಈ ದರ ಈಗಲೂ ಜಾರಿಯಲ್ಲಿದೆ.
