ಏಕೈಕ ಬಿಡ್: ಮಾರುಕಟ್ಟೆ ಜಾಗದಲ್ಲಿ ಮಾಲ್ ನಿರ್ಮಾಣ ಸಂಬಂಧ ಸ್ಮಾರ್ಟ್ಸಿಟಿ ಲಿಮಿಟೆಡ್ ವತಿಯಿಂದ 2 ಬಾರಿ ಟೆಂಡರ್ ಕರೆದರೂ ಯಾರು ಭಾಗವಹಿಸದೇ ಇದ್ದುದರಿಂದ 3ನೇ ಬಾರಿ ಟೆಂಡರ್ ಕರೆದಾಗ ಏಕೈಕ ಬಿಡ್ ಸ್ವೀಕರಿಸಿದ್ದು ಪಿಪಿಪಿ ಮಾದರಿಯಡಿ ಮಂಗಳೂರಿನ ಕನ್ಸೋರ್ಟಿಯಂ ಕಂಪನಿಗೆ ಮಲ್ಟಿ ಯುಟಿಲಿಟಿ ಮಾಲ್ ಕಟ್ಟಲು ಈ ಜಾಗವನ್ನು 30 ವರ್ಷ ಲೀಸ್ಗೆ ನೀಡಲಾಗಿತ್ತು. ಮಾಜಿ ಸಚಿವ ಯು.ಟಿ.ಖಾದರ್ ಕ್ಷೇತ್ರದ ಕಂಪನಿಗೆ ಈ ಬಿಡ್ ನೀಡಿದ್ದು ಸಾಕಷ್ಟು ಗುಮಾನಿಗಳನ್ನು ಹುಟ್ಟುಹಾಕಿದೆ. ಅಲ್ಲದೆ, ಸಾರ್ವಜನಿಕರು, ವಿವಿಧ ಸಂಘ ಸಂಸ್ಥೆಗಳು ಆಕ್ಷೇಪಣೆಗೆ ವ್ಯಕ್ತಪಡಿಸಿದ್ದನ್ನು ಮನಗಂಡು ನಂತರ ಈ ಪ್ರಸ್ತಾವನೆ ಕೈಬಿಡುವಂತೆ ಮುಖ್ಯಕಾರ್ಯದರ್ಶಿ ಹಾಗೂ ಜಿಲ್ಲಾ ಉಸ್ತುವಾರಿ ಕಾರ್ಯದರ್ಶಿ ರಾಕೇಶ್ ಸಿಂಗ್ಗೆ ಮನವಿ ಮಾಡಲಾಗಿದ್ದು ಅವರಿಂದ ಯೋಜನೆ ಕೈಬಿಡುವ ಭರವಸೆ ಸಿಕ್ಕಿದೆ ಎಂದು ಜ್ಯೋತಿಗಣೇಶ್ ತಿಳಿಸಿದ್ದಾರೆ.
