ಆಕ್ಸಿಜನ್ ಸರಬರಾಜಿಗೆ ವಿದ್ಯುತ್ ಅವಶ್ಯ: ಕೋವಿಡ್ ಸೋಂಕಿತ ರೋಗಿಗಳಿಗಾಗಿ 12 ಹಾಸಿಗೆಯನ್ನು ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ಕಾದಿರಿಸಿದ್ದು, ಇದರಲ್ಲಿ 6ಕ್ಕೆ ಆಕ್ಸಿಜನ್ ಸರಬರಾಜು ಇದೆ ಎಂದು ಆರೋಗ್ಯ ಇಲಾಖೆ ಹೇಳಿಕೊಂಡಿದೆ. 24 ಆಕ್ಸಿಜನ್ ಸಿಲಿಂಡರ್ ಇಡುವ ವ್ಯವಸ್ಥೆ ಇದ್ದರೂ, ಕೇವಲ ಎರಡು ಆಕ್ಸಿಜನ್ ಸಿಲಿಂಡರ್ ಮಾತ್ರ ಇಲ್ಲಿದೆ. ಇದರ ಸರಬರಾಜಿಗೂ ನಿರಂತರ ವಿದ್ಯುತ್ನ ಅವಶ್ಯಕತೆ ಇದೆ. ಕೋವಿಡ್ -19 ಗಂಭೀರ ಪರಿಸ್ಥಿತಿಯ ಸಂದರ್ಭ ತಾಲೂಕು -ಜಿಲ್ಲಾ ಕೇಂದ್ರಗಳನ್ನೇ ಅವಲಂಬಿಸಬೇಕಾದ ಪರಿಸ್ಥಿತಿ ವಿಟ್ಲದ ಜನರದು. ಐಸಿಯು ಸಹಿತ ಅಗತ್ಯ ವ್ಯವಸ್ಥೆ ಕಲ್ಪಿಸಲು ಬೇಕಾದ ಸ್ಥಳ ವಿಟ್ಲ ಸಮುದಾಯ ಆರೋಗ್ಯ ಕೇಂದ್ರದ್ದು. ಐಸಿಯು ಆದರೆ ಜಿಲ್ಲಾಕೇಂದ್ರದ ಮೇಲೆ ಒತ್ತಡ ತಗ್ಗಿಸಬಹುದು.
