ವಿದ್ಯುತ್ ಸಂಪರ್ಕವಿಲ್ಲದೆ ಬಿಲ್ ಪಾವತಿ?: ಗುಬ್ಬಿ ತಾಲೂಕಿನ ಹರದಗೆರೆ ಚಿಕ್ಕರಂಗಯ್ಯ ಎಂಬುವವರಿಗೆ 2018ರಲ್ಲಿ ಕೊಳವೆಬಾವಿ ಕೊರೆದು 2019ರಲ್ಲಿ ವಿದ್ಯುದೀಕರಣಕ್ಕೆ ಟೆಂಡರ್ ನೀಡಲಾಗಿದ್ದರೂ, ಈವರೆಗೂ ಪರಿವರ್ತಕ ಅಳವಡಿಸಿಲ್ಲ, ಇಂತಹ ನೂರಾರು ಪ್ರಕರಣಗಳು ಜಿಲ್ಲೆಯಲ್ಲಿವೆೆ. ಬಡ ರೈತರಿಗೆ ಮೋಟಾರ್, ಪಂಪ್, ಕೇಬಲ್ ಕೊಟ್ಟು ಪ್ರಚಾರ ಪಡೆದಿರುವ ಆಯಾ ಕ್ಷೇತ್ರದ ಶಾಸಕರು ವಿದ್ಯುದೀಕರಣ ಆಗದೆ ಕೊಳವೆಬಾವಿ ಅನುಪಯುಕ್ತವಾಗಿರುವ ಬಗ್ಗೆ ತಲೆ ಕೆಡಿಸಿಕೊಳ್ಳದಿರುವುದು ದೊಡ್ಡ ದುರಂತ.
ಎಲ್ಲ ಬೋರ್ವೆಲ್ನಲ್ಲೂ ನೀರು ಕೊರೆದಿರುವ ಎಲ್ಲ ಕೊಳವೆಬಾವಿಗಳಲ್ಲಿ ನೀರು ಲಭ್ಯವಾಗಿರುವುದು ಮತ್ತೊಂದು ವಿಸ್ಮಯ. 2018ರಲ್ಲಿ ಜಿಲ್ಲೆಯಲ್ಲಿ ಬರವಿದ್ದು ರೈತರು ಸ್ವಂತ ಹಣದಲ್ಲಿ ಹತ್ತಾರು ಕೊಳವೆಬಾವಿ ಕೊರೆದರೂ ಹನಿ ನೀರು ಬರದಿರುವಾಗ ಇಲಾಖೆಯಿಂದ ಕೊರೆದ ಬೋರ್ವೆಲ್ ಸಕ್ಸಸ್ ಎಂಬ ಸ್ಟೋರಿಯೇ ಕೌತುಕ. ಕಾಮಗಾರಿ ವೆಚ್ಚದಲ್ಲಿ ಕೊಳವೆಬಾವಿ ಕೊರೆಯುವುದಕ್ಕಿಂತ ಮೋಟಾರ್, ಪಂಪ್, ಕೇಬಲ್, ಪೈಪ್ ಹಾಗೂ ವಿದ್ಯುದೀಕರಣಕ್ಕೆ ಹೆಚ್ಚು ಬಜೆಟ್ ಮೀಸಲಿಡುವುದರಿಂದ ಕೊರೆದ ಎಲ್ಲ ಕೊಳವೆಬಾವಿಗಳೂ ಸಕ್ಸಸ್ ಎಂದು ಬಿಂಬಿಸಿರುವ ಆರೋಪವಿದೆ. ಬೋರ್ ಕೊರೆಯುವಾಗ ಕೆಲವು ಕಡೆ ಟ್ಯಾಂಕಿನ ನೀರು ಸುರಿದ ಪೋಟೋ ತೆಗೆದುಕೊಂಡು ಸರ್ಕಾರಕ್ಕೆ ವಂಚಿಸಿರುವ ಬಗ್ಗೆ ತನಿಖೆಯಾಗಬೇಕಿದೆ.
