ಸುಮಾರು 40 ವರ್ಷಗಳಿಂದ ಈ ರೂಟ್ನಲ್ಲಿ 30, 30ಬಿ., 37 ನಂಬರ್ನ ಒಟ್ಟು 5 ಬಸ್ಗಳು ಸಂಚರಿಸುತ್ತಿದ್ದವು. ಆದರೆ 2019ರಿಂದ ಒಂದೊಂದೇ ಬಸ್ ಸಂಚಾರ ಸ್ಥಗಿತಗೊಳಿಸಲು ಆರಂಭಿಸಿದ್ದು, ಕೊನೆಗೆ 2 ಬಸ್ ಮಾತ್ರ ಓಡುತ್ತಿತ್ತು. ಕೋವಿಡ್ ಬಳಿಕ ಆ ಬಸ್ಗಳೂ ಈ ರೂಟ್ನಲ್ಲಿ ಬರುತ್ತಿಲ್ಲ. ಸಂಚಾರದ ಪರವಾನಗಿ ಇದ್ದರೂ, ಬಸ್ ಓಡಿಸದೇ ಇರುವ ಮಾಲೀಕರ ನಿರ್ಧಾರದ ವಿರುದ್ಧ ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸಿದ್ದು, ತಕ್ಷಣ ಬಸ್ ಓಡಾಟಕ್ಕೆ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದ್ದಾರೆ. ಖಾಸಗಿಯವರು ಮುಂದಾಗದಿದ್ದರೆ, ಕೆಎಸ್ಆರ್ಟಿಸಿ ಬಸ್ಗಳನ್ನು ಪಡೀಲ್ನಿಂದ ಸ್ಟೇಟ್ಬ್ಯಾಂಕ್ ವರೆಗೆ ಇದೇ ಮಾರ್ಗದಲ್ಲಿ ಓಡಿಸಬೇಕು ಎಂದು ಜಿಲ್ಲಾಡಳಿತವನ್ನು ಒತ್ತಾಯಿಸಿದ್ದಾರೆ.
