ಈ ಸಂದರ್ಭ ಮಾತನಾಡಿದ ರೈತ ಸಂಘದ ಜಿಲ್ಲಾ ಉಪಾಧ್ಯಕ್ಷ ಶಂಕರನಾಯಕ, ಕಳೆದ ಮೂರು ವರ್ಷಗಳ ಹಿಂದೆ ಜಿಲ್ಲಾ ಪಂಚಾಯಿತಿಯಿಂದ ರಸ್ತೆ ನಿರ್ಮಿಸಲಾಗಿತ್ತು. ಎರಡೂ ಬದಿಗಳಲ್ಲಿ ಮುಳ್ಳು ಗಿಡಗಳು ಬೆಳೆದು ವಾಹನ ಸವಾರರಿಗೆ ತೊಂದರೆಯಾಗುತ್ತಿತ್ತು. ಈ ಬಗ್ಗೆ ಇಲಾಖೆಗೆ ಮನವಿ ಮಾಡಿದ್ದರೂ ಫಲ ನೀಡಿರಲಿಲ್ಲ. ಇದೀಗ ಪ್ರತಿಭಟನೆ ಮಾಡಲು ಮುಂದಾದಾಗ ಕ್ರಮ ವಹಿಸಲಾಗಿದೆ ಎಂದರು. ಗಿಡಗಳು ಬೆಳೆದ ಕಾರಣ ರಸ್ತೆ ತಿರುವುಗಳಲ್ಲಿ ವಾಹನ ಸವಾರರಿಗೆ ಅಡಚಣೆಯಾಗಿ ಹಲವು ಬಾರಿ ಅಪಘಾತ ಪ್ರಕರಣಗಳು ನಡೆದಿದ್ದವು. ಈ ಬಗ್ಗೆ ಅಧಿಕಾರಿಗಳಿಗೂ ತಿಳಿಸಲಾಗಿತ್ತು. ಅವರು ತೆರವುಕಾರ್ಯಾಚರಣೆ ಮಾಡಿರುವುದು ರೈತ ಸಂಘಟನೆಗೆ ಸಂದ ಜಯ ಎಂದು ತಿಳಿಸಿದರು. ಹೆಡತಲೆ ಗ್ರಾಮದ ರೈತ ಸಂಘ ಘಟಕದ ಅಧ್ಯಕ್ಷ ಮಹದೇವನಾಯಕ, ಉಪಾಧ್ಯಕ್ಷ ಮಹದೇವ ನಾಯಕ , ಗ್ರಾಮ ಪಂಚಾಯಿತಿ ಸದಸ್ಯರಾದ ಮಣಿಕಂಠ, ರಂಗಸ್ವಾಮಿ. ಪುಟ್ಟ ನಾಯಕ, ಶ್ರೀನಿವಾಸ ಗೋವಿಂದ, ನಾಗರಾಜು, ರಂಗರಾಜು ರಘು ಹಾಗೂ ಗ್ರಾಮಸ್ಥರು ಹಾಜರಿದ್ದರು.
