ನಗರದಲ್ಲಿ ಕೊಳಚೆ ನೀರು ಪಂಪಿಂಗ್ ಮಾಡುವ ಪ್ರಮುಖ ವೆಟ್ವೆಲ್ಗಳು ಕೆಲಸವನ್ನು ಸ್ಥಗಿತಗೊಳಿಸಿದ್ದು, ಇದು ಶುದ್ಧೀಕರಣ ಘಟಕ ಸೇರದೆ ನೇರವಾಗಿ ಇಂದ್ರಾಣಿ ನದಿಗೆ ಸೇರುತ್ತಿದೆ. ಈ ಮೂಲಕ ಇಂದ್ರಾಣಿ ನದಿ ಮತ್ತಷ್ಟು ಕಲ್ಮಶವಾಗುತ್ತಿದೆ. ಎರಡು ತಿಂಗಳಿನಿಂದ ನಿಟ್ಟೂರಿನಲ್ಲಿರುವ ಕೊಳಚೆ ನೀರು ಶುದ್ಧೀಕರಣ ಘಟಕಕ್ಕೆ ಕೊಳಚೆ ನೀರು ಪೂರೈಕೆಯಾಗುತ್ತಿಲ್ಲ. ಕೊಳಚೆ ನೀರು ಎಸ್ಟಿಪಿ (ಶುದ್ಧೀಕರಣ ಘಟಕ)ಗೆ ಪಂಪಿಂಗ್ ಮಾಡುವುದನ್ನು ನಿಲ್ಲಿಸಲಾಗಿದೆ. ಈ ಎರಡು ಕಾರಣಗಳಿಂದಾಗಿ ಕೊಳಚೆ ನೀರು ನೇರವಾಗಿ ಇಂದ್ರಾಣಿ ಒಡಲನ್ನು ಸೇರುತ್ತಿದೆ. ಕಾಮಗಾರಿ ನಡೆಯುತ್ತಿದ್ದು, ಕೆಲವೇ ದಿನಗಳಲ್ಲಿ ಸಮಸ್ಯೆ ಬಗೆಹರಿಯಲಿದೆ ಎಂದು ಅಧಿಕಾರಿಗಳು ಭರವಸೆ ನೀಡಿದ್ದಾರೆ.
