ಹೊಸ ವಿಟಾರಾ ಬ್ರಿಜಾ 1.5 ಮಾರುಕಟ್ಟೆಗೆ: ಕಲ್ಯಾಣಿ ಮೋಟಾರ್ಸ್​ನಲ್ಲಿ ಬಿಡುಗಡೆ, ಬಿಎಸ್-6 ಇಂಜಿನ್ ಹೊಂದಿರುವ ಕಾರು

ಬೆಂಗಳೂರು: ಮೈಸೂರು ರಸ್ತೆಯ ಕಲ್ಯಾಣಿ ಮೋಟಾರ್ಸ್ ಅರೇನಾ ಶೋರೂಂನಲ್ಲಿ ಬ್ಯಾಟರಾಯನಪುರದ ಪೊಲೀಸ್ ಠಾಣೆ ಇನ್​ಸ್ಪೆಕ್ಟರ್ ಲಿಂಗರಾಜು ಮಾರುತಿ ಸುಜುಕಿ ಕಂಪನಿಯ ಹೊಸ ವಿಟಾರಾ ಬ್ರಿಜಾ 1.5 ಕಾರು ಬಿಡುಗಡೆ ಮಾಡಿದರು. ಬಿಎಸ್-6 ಇಂಜಿನ್ ಹೊಂದಿರುವ 1.5 ಲೀಟರ್ ಕೆ-ಸೀರೀಸ್, ಮ್ಯಾನುವಲ್ ಮತ್ತು ಆಟೋಮ್ಯಾಟಿಕ್ ಪೆಟ್ರೋಲ್ ಕಾರು ಇದಾಗಿದೆ.

ಹೊಸ ಬ್ರಿಜಾ ಕಾರುಗಳು ಡ್ಯುಯಲ್ ಟೋನ್ ವರ್ಣಗಳಾದ ಸಿಜ್ಲಿಂಗ್ ರೆಡ್ ಮತ್ತು ಮಿಡ್​ನೈಟ್ ಬ್ಲಾಕ್, ಟರ್ಕ್​ಬ್ಲೂ ಮತ್ತು ಮಿಡ್​ನೈಟ್ ಬ್ಲಾ್ಯಕ್, ಗ್ರಾ್ಯನಿಟಿ ಗ್ರೇ ಮತ್ತು ಆಟಮ್ ಆರೆಂಜ್ ಬಣ್ಣಗಳಲ್ಲಿ ಲಭ್ಯ ಇವೆ. ಬೆಂಗಳೂರು ಎಕ್ಸ್​ಶೋರೂಂನ ಆರಂಭಿಕ ಬೆಲೆ 7.34 ಲಕ್ಷ ರೂ. ಆಗಿರುವುದಾಗಿ ಕಲ್ಯಾಣಿ ಮೋಟಾರ್ಸ್​ನ ಸಹಾಯಕ ವ್ಯವಸ್ಥಾಪಕ ನಿರ್ದೇಶಕ ನಟರಾಜ್ ತಿಳಿಸಿದರು.

ಉತ್ತಮ ಮುಖಭಾಗ ಹೊಂದಿರುವ ಹೊಸ ಬ್ರಿಜಾ ಕಾರುಗಳು ಬೋಲ್ಡ್ ಲುಕ್, ಡ್ಯುಯಲ್ ಚೇಂಬರ್, ಎಲ್​ಇಡಿ ಪೊ›ಜೆಕ್ಟರ್ ಹೆಡ್ ಲ್ಯಾಂಪ್, ಎಲ್​ಇಡಿ ಫಾಗ್​ಲ್ಯಾಂಪ್, ಎಲ್​ಇಡಿ ಟೇಲ್ ಲ್ಯಾಂಪ್, ಪ್ರಿಸೆಷನ್ ಕಟ್ ಅಲಾಯ್ ವ್ಹೀಲ್ಸ್, ಪುಶ್ ಸ್ಟಾರ್ಟ್ ಮತ್ತು ಸ್ಟಾಪ್ ಬಟನ್, ಸ್ಟೀರಿಂಗ್ ಮೌಂಟೆಡ್ ಆಡಿಯೊ ಕಂಟ್ರೋಲ್, ಡ್ಯುಯಲ್ ಏರ್​ಬ್ಯಾಗ್, ಎಬಿಎಸ್ ನೊಂದಿಗೆ ಇಬಿಡಿ, ಬ್ರೇಕ್ ಅಸಿಸ್ಟ್ ಸೇರಿ ಹಲವು ವೈಶಿಷ್ಟ್ಯಗಳನ್ನು ಕಾರು ಹೊಂದಿದೆ ಎಂದು ಮಾಹಿತಿ ನೀಡಿದರು. ಮೊದಲ ಗ್ರಾಹಕ ಮುನಿಯಪ್ಪ ಅವರಿಗೆ ಕಲ್ಯಾಣಿ ಮೋಟರ್ಸ್ ಅಧಿಕಾರಿಗಳು ಕಾರಿನ ಕೀ ಹಸ್ತಾಂತರಿಸಿದರು.