ಶುಕ್ರವಾರ ಮುಂಜಾನೆ ಗಣಪತಿ ಪ್ರಾರ್ಥನೆ, ಚತುರ್ವೇದ ಪಾರಾಯಣ, ಪ್ರಾಣ ಪ್ರತಿಷ್ಠಾಪನೆ, ನಾಮಗ್ರಹಣ, ಮಂಗಳಾರತಿ ಮಾಡಿ ಸಂಧಾನ ಪೂರ್ವಕ ಸೇರಿದಂತೆ ಮಹಾಪೂರ್ಣಾಹುತಿ ಯಶಸ್ವಿಯಾಗಿ ನಡೆಸಲಾಯಿತು. ಅಂತೆಯೇ ಪಂಚಾಮೃತ ಅಭಿಷೇಕ, ಕುಂಭಾಭಿಷೇಕ, ಅಲಂಕಾರ ಸೇರಿದಂತೆ ಇನ್ನಿತರ ಪೂಜಾ ವಿಧಿವಿಧಾನ, ಮಹಾಮಂಗಳಾರತಿ ಬಳಿಕ ತೀರ್ಥ ಪ್ರಸಾದ ವಿತರಿಸಲಾಯಿತು. ಮಧ್ಯಾಹ್ನ ಕಾಲಭೈರವೇಶ್ವರ ಸ್ವಾಮಿ ದೇವಸ್ಥಾನ ಆವರಣದಲ್ಲಿ 2 ಸಾವಿರಕ್ಕೂ ಹೆಚ್ಚು ಜನರಿಗೆ ಪ್ರಸಾದವಾಗಿ ಅವರೆಕಾಳು ಸಾರು, ರಾಗಿ ಮುದ್ದೆ, ಅನ್ನ, ಪಾಯಸ ಪ್ರಸಾದ ವಿತರಿಸಲಾಯಿತು. ಶಾಸಕ ರವಿಕುಮಾರ್ ಗಣಿಗ, ಮನ್ಮುಲ್ ಮಾಜಿ ಅಧ್ಯಕ್ಷ ಬಿ.ಆರ್.ರಾಮಚಂದ್ರು ಸೇರಿದಂತೆ ಹಲವು ಗಣ್ಯರು ದೇವರ ದರ್ಶನ ಮಾಡಿ ಪ್ರಸಾದ ಸ್ವೀಕರಿಸಿದರು.
