ಎಲ್ಲವೂ ಮೇಲಾಧಿಕಾರಿಗಳೇ ಮಾಡಬೇಕೆಂದರೆ ಅದು ಅಸಾಧ್ಯ. ಪ್ರತಿಯೊಬ್ಬ ತಲಾಠಿಯೂ ಆಯಾ ಗ್ರಾಮಗಳ ಟಾಸ್ಕ್ ಫೋರ್ಸ್ನೊಂದಿಗೆ ಸೇರಿಕೊಂಡು ಕೆಲಸ ಮಾಡಬೇಕು. ಸಾರ್ವಜನಿಕರಲ್ಲಿ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವ ಮತ್ತು ರೋಗದ ತೀವ್ರತೆ ಕುರಿತು ಜಾಗೃತಿ ಮೂಡಿಸಬೇಕು ಎಂದರು. ಪುರಸಭೆ ವ್ಯಾಪ್ತಿಯ ಶಾಂತಿ ನಗರದಲ್ಲಿ ಅನುಮತಿ ಇಲ್ಲದ ಮಾಂಸದ ಅಂಗಡಿ ತೆರೆಯಲಾಗಿದ್ದು, ಕೂಡಲೇ ವಿಚಾರಿಸಿ ಅವರ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಮುಖ್ಯಾಧಿಕಾರಿ ಕೆ.ಐ.ನಾಗನೂರ ಅವರಿಗೆ ಸೂಚಿಸಿದರು. ತಹಸೀಲ್ದಾರ್ ಪ್ರಶಾಂತ ಪಾಟೀಲ ಮಾತನಾಡಿದರು. ತಾಪಂ ಅಧ್ಯಕ್ಷ ವಿನಯಕುಮಾರ ದೇಸಾಯಿ, ತಾಪಂ ಇಒ ಯಶವಂತಕುಮಾರ, ಉಪತಹಸೀಲ್ದಾರ್ ಡಿ.ವಿ.ಗುಂಡಪ್ಪಗೋಳ, ನರೇಗಾ ಅಧಿಕಾರಿ ಸಂಗನಗೌಡ ಹಂದ್ರಾಳ ಇತರರು ಇದ್ದರು.
