ನೀತು ಮಾತನಾಡಿ, ನಾನು ಮೂಲತಃ ಗದಗ. ಮೂಲ ಹೆಸರು ಮಂಜುನಾಥ್. ಏಳನೇ ತರಗತಿ ಓದುತ್ತಿರುವಾಗಲೇ ಒಂದಷ್ಟು ಬದಲಾವಣೆಗಳನ್ನು ಅರಿತು, ಹೆಣ್ಣಾಗುವ ನಿರ್ಧಾರ ಮಾಡಿದ್ದೇನು. ಏನೇ ಆಗಲಿ ನಾನು ಹೆಣ್ಣು ಆಗಲೇ ಬೇಕು ಎಂದು ನಿರ್ಧರಿಸಿದ್ದೆ. ಅಮ್ಮನ ಮನವೊಲಿಸಿದೆ. ಅವರಿಂದಲೂ ಒಪ್ಪಿಗೆ ಸಿಕ್ತು. ವೈದ್ಯರ ಬಳಿ ಹೆಣ್ಣಾಗುವ ಪ್ರೊಸೆಸ್ ಆಗುವ ಬಗ್ಗೆ ಮಾಹಿತಿ ಪಡೆದುಕೊಳ್ಳುತ್ತಿದೆ. ಹಾರ್ಮೋನ್ಸ್ ತೆಗೆದುಕೊಳ್ಳುತ್ತಿದ್ದೆ. ಅದರಿಂದ ತುಂಬ ಸಮಸ್ಯೆ ಎದುರಿಸುತ್ತಿದ್ದೆ. ಸ್ನಾನದ ವೇಳೆ ನನ್ನ ಖಾಸಗಿ ಅಂಗ ನೋಡಲು ನನಗೇ ಮುಜುಗರ ಆಗ್ತಿತ್ತು, ಯಾವಾಗ ಹೆಣ್ಣಾಗ್ತೀನೋ ಅನಿಸ್ತಿತ್ತು. ಹೇಳಿಕೊಳ್ಳಲಾಗದ ನೋವು ಅನುಭವಿಸಿದೆ. ದೆಹಲಿಗೆ ಹೋದೆ. ವೈದ್ಯರು ಕೌನ್ಸಲಿಂಗ್ ಮಾಡಿದ್ರು. ಫಾರ್ಮ್ ಫಿಲ್ ಮಾಡಬೇಕು. ಸತ್ತೋದರೆ ನಾವು ಹೊಣೆಯಲ್ಲ ಎಂದು ನಮ್ಮ ಬಳಿ ಸಹಿ ಮಾಡಿಸಿಕೊಂಡರು. ಸರ್ಜರಿ ವೇಳೆ ಏನೇ ಹೆಚ್ಚು ಕಡಿಮೆ ಆದರೂ ಅದಕ್ಕೆ ನಾವು ಜವಾಬ್ದಾರರಲ್ಲ ಎಂದು ಅಗ್ರಿಮೆಂಟ್ನಲ್ಲಿ ಬರೆಸಿಕೊಳ್ಳುತ್ತಾರೆ. ಸಹಿ ಮಾಡುವಾಗ ಕಣ್ಣಲ್ಲಿ ನೀರು ತುಂಬಿತ್ತು. ಅದು ದುಃಖದಲ್ಲ ಸಂತೋಷದ ಕಣ್ಣೀರು. ಯಾವಾಗ ಹೆಣ್ಣಾಗ್ತಿನೋ ಅನ್ನೋ ಫೀಲ್ ಇತ್ತು. ಅಷ್ಟೇ ಖುಷಿಯಲ್ಲಿ ಸಹಿ ಮಾಡಿದ್ದೆ ಎಂದಿದ್ದಾರೆ.
