ಚೆಕ್‌ಪೋಸ್ಟ್‌ನಲ್ಲಿ ವಾಹನ ತಪಾಸಣೆ ಬಿಗಿಯಾಗಿರಲಿ

ನಾಯಕನಹಟ್ಟಿ: ಚೆಕ್‌ಪೋಸ್ಟ್‌ನಲ್ಲಿ ವಾಹನ ತಪಾಸಣೆ ಬಿಗಿಗೊಳಿಸಿ. ಪಾಸ್‌ರಹಿತ ಯಾವ ವಾಹನವನ್ನೂ ಬಿಡಬೇಡಿ ಎಂದು ಚೆಕ್‌ಪೋಸ್ಟ್ ನೋಡಲ್ ಅಧಿಕಾರಿ, ಕ್ಷೇತ್ರ ಶಿಕ್ಷಣಾಧಿಕಾರಿ ಆಗಿರುವ ಕೆ.ಎಸ್.ಸುರೇಶ್ ಸೂಚಿಸಿದರು.

ಭಾನುವಾರ ಪಟ್ಟಣದ ಜಗಳೂರು ರಸ್ತೆಯ ಚೆಕ್‌ಪೋಸ್ಟ್‌ಗೆ ಭೇಟಿ ನೀಡಿ ಅಲ್ಲಿನ ಸಿಬ್ಬಂದಿಗೆ ಮಾರ್ಗದರ್ಶನ ನೀಡಿದರು.

ಈ ರಸ್ತೆಯಲ್ಲಿ ಅಂತಾರಾಜ್ಯ ವಾಹನಗಳ ಓಡಾಟ ಹೆಚ್ಚು. ಸಮೀಪದಲ್ಲಿ ರಾಷ್ಟ್ರೀಯ ಹೆದ್ದಾರಿ 13 ಇರುವುದರಿಂದ ಚಿತ್ರದುರ್ಗ ಮಾರ್ಗವಾಗಿ ಬೆಂಗಳೂರಿಗೆ ಸಂಚರಿಸುವ ವಾಹನಗಳು ಒಳದಾರಿಯಲ್ಲಿ ಸಾಗಿ ಹಿರಿಯೂರು ಎನ್‌ಎಚ್4 ತಲುಪುತ್ತವೆ. ಈ ಬಗ್ಗೆ ನಿಗಾ ಇರಬೇಕು. ಇಲ್ಲಿ ಸಿಸಿ ಟಿವಿ ಇದೆ. ತಪಾಸಣೆ ಇಲ್ಲದೆ ಸಾಗುವ ವಾಹನ ನೋಡಬಹುದಾಗಿದೆ. ಹೀಗಾಗಿ ಎಚ್ಚರದಿಂದ ಕೆಲಸ ಮಾಡಿ. ತಪಾಸಣೆ ವೇಳೆ ದೈಹಿಕ ಅಂತರ ಕಾಯ್ದುಕೊಳ್ಳಿ ಎಂದು ಸೂಚಿಸಿದರು.

ಗೌಡಗೆರೆ ಗ್ರಾಪಂ ಸಿಬ್ಬಂದಿ, ಪೊಲೀಸರು, ಶಿಕ್ಷಣ ಇಲಾಖೆ ಅಧಿಕಾರಿಗಳಿದ್ದರು.