ದೇವಾನು ದೇವತೆಗಳು, ಸ್ವಾತಂತ್ರ ಹೋರಾಟಗಾರರು, ಪ್ರಾಣಿ ಪಕ್ಷಿಗಳು, ರಾಜ ಮಹಾರಾಜರ ಸಂಸ್ಥಾನ, ಮಹಾಕಾವ್ಯ ರಾಮಾಯಾಣ ಮತ್ತು ಮಹಾಭಾರತದ ಚಿತ್ರಣ, ಆಕರ್ಷಕ ಹೂವುಗಳ ಜತೆಗೆ ವಿದ್ಯುದಿಪಾಲಂಕಾರದ ಆಕರ್ಷಕ ದೃಶ್ಯಗಳು ಕಂಡು ಬರುತ್ತಿವೆ. ಮೈಸೂರಿನಲ್ಲಿ ನಾಡ ಉತ್ಸವ ಅಂಗವಾಗಿ ನಡೆಯುತ್ತಿರುವ ವಿಶೇಷ ಪೂಜಾ ಮತ್ತು ಸಾಂಸತಿಕ ಕಾರ್ಯಕ್ರಮಗಳು, ರಾಜ್ಯದ ಗಮನ ಸೆಳೆಯುತ್ತಿರುವುದರ ನಡುವೆ ಜಿಲ್ಲೆಯಲ್ಲಿನ ಹಲವರು ದಸರಾ ಬೊಂಬೆ ಪ್ರದರ್ಶನದ ಮೂಲಕ ಸಂಭ್ರಮಿಸುತ್ತಿದ್ದಾರೆ. ಪರಸ್ಪರ ಆಕರ್ಷಕ ಅಲಂಕಾರ, ಆಧ್ಯಾತ್ಮಿಕ, ರಾಷ್ಟ್ರೀಯತೆ, ಗ್ರಾಮೀಣ, ಕಲೆ, ಸಾಮಾಜಿಕ ಪ್ರತಿಬಿಂಬದ ಒಳ್ಳೆಯ ಸಂದೇಶಗಳ ಮೂಲಕ ಸುತ್ತಲಿನವರ ಮೆಚ್ಚುಗೆಗೆ ಪಾತ್ರರಾಗುತ್ತಿದ್ದಾರೆ.
