ವಿಶೇಷವಾಗಿ ನ್ಯಾನೋ ತಂತ್ರಜ್ಞಾನ ಅನ್ವೇಷಣೆ ಬಳಿಕ ಹಲವು ಕ್ಷೇತ್ರಗಳಲ್ಲಿ ಕ್ರಾಂತಿಕಾರಿ ಬದಲಾವಣೆಗಳಾದವು. ಏರೋಸ್ಪೇಸ್, ಕೃಷಿ, ಕೈಗಾರಿಕೆ ಕ್ಷೇತ್ರಕ್ಕೆ ನ್ಯಾನೋ ತಂತ್ರಜ್ಞಾನ ಅನುಕೂಲಕರವಾಗಿ ಪರಿಣಮಿಸಿತು. ನ್ಯಾನೋ ತಂತ್ರಜ್ಞಾನ ಅಭಿವೃದ್ಧಿಯಿಂದ ನಮ್ಮ ಪರಿಸರಕ್ಕೂ ಅನುಕೂಲವಾಯಿತು. ಸಂಶೋಧನೆ, ಅನ್ವೇಷಣೆ ಜತೆಗೆ ಪರಿಸರ ಸಂರಕ್ಷಣೆ ಆಶಯ ನಮ್ಮಲ್ಲಿರಬೇಕು. ಹೊಸ ಅವಕಾಶಗಳು ನಮ್ಮ ಮುಂದಿವೆ. ಇದಕ್ಕೆ ಬೇಕಾದ ಎಲ್ಲ ಸಹಕಾರ ಸಿಗುತ್ತಿದೆ ಎಂದು ಹೇಳಿದರು. ಮಣಿಪಾಲ ಆಕಾಡೆಮಿ ಆಫ್ ಹೈಯರ್ ಎಜುಕೇಶನ್ ಎಂಐಟಿ ನ್ಯಾನೋ ಟೆಕ್ನಾಲಜಿ ವಿಭಾಗ ಪ್ರಾಧ್ಯಾಪಕ ಡಾ.ಸುರೇಶ್ ಕುಲಕರ್ಣಿ ಮಾತನಾಡಿ, ವಿಜ್ಞಾನ-ತಂತ್ರಜ್ಞಾನ ನಿರ್ದಿಷ್ಟ ಚೌಕಟ್ಟು ಹೊಂದಿರದೆ ವಿಸ್ತಾರ ರೂಪ ಹೊಂದಿದೆ. ಇಂದು ಗ್ರಾಹಕ ಬಳಕೆಯ 500ಕ್ಕೂ ಅಧಿಕ ಪರ್ಸನಲ್ ಕೇರ್ ಉತ್ಪನ್ನಗಳು ನ್ಯಾನೋ ತಂತ್ರಜ್ಞಾನದ ಅಡಿಯಲ್ಲಿ ರೂಪುಗೊಂಡಿರುವಂತಾಗಿದೆ. ಆರೋಗ್ಯ, ಸೇನೆ, ವಿದ್ಯುತ್ ಕ್ಷೇತ್ರಗಳಲ್ಲಿ ನ್ಯಾನೋ ತಂತ್ರಜ್ಞಾನ ಮಹತ್ವದ ಬೆಳವಣಿಗೆಗೆ ಕಾರಣವಾಗಿದೆ ಎಂದರು. ಎಂಜಿಎಂ ಕಾಲೇಜು ಪ್ರಾಂಶುಪಾಲ ಡಾ.ಎಂ.ಜಿ ವಿಜಯ ಅಧ್ಯಕ್ಷತೆ ವಹಿಸಿದ್ದರು. ಪಿಯುಸಿ ಪ್ರಾಂಶುಪಾಲೆ ಮಾಲತಿದೇವಿ ಉಪಸ್ಥಿತರಿದ್ದರು. ರಸಾಯನಶಾಸ್ತ್ರ ವಿಭಾಗ ಪ್ರಾಧ್ಯಾಪಕ ಪ್ರೊ.ಕೆ.ಭಾಸ್ಕರ ಆಚಾರ್ಯ ವಂದಿಸಿದರು. ವಿಭಾಗ ಮುಖ್ಯಸ್ಥ ಪ್ರೊ.ಅರುಣ್ ಕುಮಾರ್ ಬಿ. ಸ್ವಾಗತಿಸಿದರು. ಚೈತ್ರಾ ಪೈ ಕಾರ್ಯಕ್ರಮ ನಿರೂಪಿಸಿದರು.
