ಡಿ.31ರ ಸಂಜೆ 6ರಿಂದ ಜ.1ರ ರಾತ್ರಿ 11ರವರೆಗೂ ಗಿರಿಧಾಮದಲ್ಲಿನ ಅತಿಥಿ ಗೃಹಗಳಲ್ಲಿನ ಕೊಠಡಿ ಬುಕ್ಕಿಂಗ್ಗೂ ಅವಕಾಶ ಇರುವುದಿಲ್ಲ. ಬಾಡಿಗೆ ಪಡೆದವರು ನಿಯಮ ಉಲ್ಲಂಸಿ ರಾತ್ರಿ ವೇಳೆ ಬೆಟ್ಟದಲ್ಲಿ ಸುತ್ತಾಡುವ, ಮೋಜು ಮಸ್ತಿ ಪಾರ್ಟಿ ಹೆಸರಿನಲ್ಲಿ ಕುಣಿದಾಡಿ, ಅವಘಡಗಳಿಗೆ ಎಡೆಮಾಡಿ ಕೊಡುವುದನ್ನು ತಪ್ಪಿಸುವ ಉದ್ದೇಶದಿಂದ ಕೊಠಡಿ ಬುಕ್ಕಿಂಗ್ ಮಾಡಿಕೊಳ್ಳುತ್ತಿಲ್ಲ. ಇದು ಬೆಟ್ಟದ ತಪ್ಪಲಿನ ಖಾಸಗಿ ರೆಸಾರ್ಟ್ಗಳಿಗೆ ಲಾಭದಾಯಕವಾಗಿದ್ದು, ದೇವನಹಳ್ಳಿ-ಕಾರಹಳ್ಳಿ, ನಂದಿ ಕ್ರಾಸ್-ಗಿರಿಧಾಮ ಮಾರ್ಗದಲ್ಲಿ 15 ರೆಸಾರ್ಟ್ಗಳಿವೆ. ಇಲ್ಲಿ ವಿವಿಧ ಭಾಗಗಳಿಂದ ಪ್ರವಾಸಿಗರು ಆನ್ಲೈನ್ನಲ್ಲಿ ಬುಕ್ಕಿಂಗ್ ಮಾಡಿಕೊಂಡಿದ್ದು, ಖಾಸಗಿಯಾಗಿ ಹೊಸ ವರ್ಷಾಚರಣೆಗಳು ನಡೆಯಲಿವೆ. ಟೆಕ್ಕಿಗಳು, ವೈದ್ಯಕೀಯ, ಇಂಜಿನಿಯರಿಂಗ್ ಸೇರಿ ಉನ್ನತ ಶಿಕ್ಷಣ ಪಡೆಯುತ್ತಿರುವ ವಿದ್ಯಾರ್ಥಿಗಳು ಸೇರಿ ಹಲವರು ತಂಡೋಪತಂಡವಾಗಿ ಆಗಮಿಸಲಿದ್ದು ರಾತ್ರಿ 12ರ ವೇಳೆ ಪಾರ್ಟಿ ಮುಗಿಸಿ, ಮರುದಿನ ಬೆಳಗ್ಗೆ ನಂದಿ ಗಿರಿಧಾಮದಲ್ಲಿ ಸುತ್ತಾಡಿ ಮತ್ತೆ ತಮ್ಮೂರುಗಳಿಗೆ ಮರಳುವುದು ವಾಡಿಕೆ.
