ಈ ಸಾಲಿನಲ್ಲಿ ನಗರಸಭೆಯ ಸ್ವಂತ ಸಂಪನ್ಮೂಲದಿಂದ 21.33 ಕೋಟಿ ರೂನಷ್ಟು ನಿರೀಕ್ಷಿತ ಆದಾಯ ನಿರೀಕ್ಷಿಸಲಾಗಿದೆ. ಅಂತೆಯೇ ಸರ್ಕಾರದಿಂದ 38.49 ಕೋಟಿ ರೂ ಅನುದಾನ ನಿರೀಕ್ಷಿಸಲಾಗಿದೆ. ಪ್ರಮುಖವಾಗಿ ಆಸ್ತಿ ತೆರಿಗೆ, ದಂಡ ಮತ್ತು ಕರಗಳ ಸಂಗ್ರಹಣೆಯಿಂದ 1405 ಲಕ್ಷ ರೂ, ಅಭಿವೃದ್ಧಿ ಮತ್ತು ಬೆಟರ್ಮೆಂಟ್ ಶುಲ್ಕ ಸಂಗ್ರಹದಿಂದ 155 ಲಕ್ಷ ರೂ, ಘನತ್ಯಾಜ್ಯ ವಸ್ತು ನಿರ್ವಹಣೆ ಶುಲ್ಕ 140 ಲಕ್ಷ ರೂ, ಮಳಿಗೆ ಠೇವಣಿ, ಬಾಡಿಗೆ ಮತ್ತು ದಂಡ ವಸೂಲಿಯಿಂದ 93.10 ಲಕ್ಷ ರೂ, ಒಳಚರಂಡಿ ಸಂಪರ್ಕ ಮತ್ತು ಬಳಕೆದಾರರ ಶುಲ್ಕ ಸಂಗ್ರಹದಿಂದ 52.50 ಲಕ್ಷ ರೂ, ಉದ್ದಿಮೆ ಪರವಾನಗಿ ಶುಲ್ಕ ಮತ್ತು ದಂಡ ಸಂಗ್ರಹದಿಂದ 51 ಲಕ್ಷ ರೂ, ಅನುಪಯುಕ್ತ ವಸ್ತು ಮಾರಾಟದಿಂದ 40 ಲಕ್ಷ ರೂ, ರಸ್ತೆ ಅಗೆತ ಮತ್ತು ಪುನಃಸ್ಥಾಪನೆ ಶುಲ್ಕಸಂಗ್ರಹದಿಂದ 33.10 ಲಕ್ಷ ರೂ, ಖಾತೆಗಳ ಬದಲಾವಣೆ ಶುಲ್ಕ 28 ಲಕ್ಷ ರೂ, ನಗರಸಭೆ ವಸತಿ ಗೃಹಗಳು ಹಾಗೂ ಹಳೇ ಕಚೇರಿ ಕಟ್ಟಡ ಬಾಡಿಗೆಯಿಂದ 22 ಲಕ್ಷ ರೂ, ಕಟ್ಟಡ ಪರವಾನಗಿ ಶುಲ್ಕದಿಂದ 21.50 ಲಕ್ಷ ರೂ, ಇತರೆ ಪ್ರಮಾಣ ಪತ್ರಗಳು, ದಂಡ ಹಾಗೂ ಶುಲ್ಕಗಳಿಂದ 20.68 ಲಕ್ಷ ರೂ, ರಾಜ್ಯ ಸರ್ಕಾರದಿಂದ ಸಂಗ್ರಹಿಸಲ್ಪಟ್ಟ ಸ್ಟ್ಯಾಂಪ್ ಶುಲ್ಕದಿಂದ 12 ಲಕ್ಷ ರೂ, ಬ್ಯಾಂಕ್ ಭದ್ರತಾ ಠೇವಣಿ ಮತ್ತು ಖಾತೆಗಳ ಮೇಲಿನ ಬಡ್ಡಿ ಸಂಗ್ರಹದಿಂದ 10 ಲಕ್ಷ ರೂ, ಜಾಹೀರಾತು ತೆರಿಗೆಯಿಂದ 6.50 ಲಕ್ಷ ರೂ, ಟ್ಯಾಕ್ಸಿ ನಿಲ್ದಾಣ, ಖಾಸಗಿ ಬಸ್ ನಿಲ್ದಾಣದ ನೆಲ ಬಾಡಿಗೆ ಮತ್ತು ಕಸಾಯಿಖಾನೆ ಶುಲ್ಕದಿಂದ 5 ಲಕ್ಷ ರೂ, ಸಾರ್ವಜನಿಕ ಶೌಚಗೃಹ ನಿರ್ವಹಣೆಯಿಂದ 5 ಲಕ್ಷ ರೂ, ಮಾರುಕಟ್ಟೆ ಶುಲ್ಕದಿಂದ 2.88 ಲಕ್ಷ ರೂ, ಆಸ್ತಿ ತೆರಿಗೆಯಿಂದ ವಸೂಲಾಗುವ ಕರಗಳು/ಗುತ್ತಿಗೆದಾರರು/ಸರಬರಾಜುದಾರು ಹಾಗೂ ನೌಕರರ ವೇತನದ ಕಟಾವಣೆಗಳಿಂದ 683.90 ಲಕ್ಷ ರೂ ಆದಾಯ ನಿರೀಕ್ಷಿಸಲಾಗಿದೆ ಎಂದರು.
