ನಗರಸಭೆ ಸದಸ್ಯನ ಜಾತಿ ಪ್ರಮಾಣ ಪತ್ರ ರದ್ದು, ಆದೇಶದ ಪ್ರಶ್ನಿಸಿ ಮೇಲ್ಮನವಿ ಸಲ್ಲಿಸಲು ಸಿದ್ಧತೆ

ವಿಜಯವಾಣಿ ಸುದ್ದಿಜಾಲ ಗದಗ
ನಗರದ 28ನೇ ವಾಡಿರ್ನ ಬಿಜೆಪಿ ನಗರಸಭೆ ಸದಸ್ಯ ಸಿದ್ದಲಿಂಗಪ್ಪ(ಅನಿಲ್​) ಅಬ್ಬಿಗೇರಿ ಅವರ ಜಾತಿ ಪ್ರಮಾಣ ಪ್ರಮಾಣ ಪತ್ರ ರದ್ದು ಮಾಡಿ ಸೆ.7 ರಂದು ಜಿಲ್ಲಾಧಿಕಾರಿ ವೈಶಾಲಿ ಎಂ.ಎಲ್​ ಆದೇಶಿಸಿದ್ದಾರೆ.
ಬಿಜೆಪಿ ನಗರ ಮಂಡಳ ಅಧ್ಯಕ್ಷ ಆಗಿರುವ ಅನಿಲ್​ ಅಬ್ಬಿಗೇರಿ ಅವರು ನಗರಸಭೆ ಚುನಾವಣೆಯಲ್ಲಿ 22ನೇ ವಾಡಿರ್ನಿಂದ ಸ್ಪಧಿರ್ಸಿ, ಇವರ ಸಮೀಪದ ಸ್ಪಧಿರ್ ಮಹಾಲಕ್ಷಿ$್ಮ ಡಂಬಳ ಎಂಬುವರ ವಿರುದ್ಧ 131 ಅಂತರದಿಂದ ಗೆಲವು ಸಾಧಿಸಿದ್ದರು. ಇವರ ಜಾತಿ ಪ್ರಮಾಣ ಪತ್ರದ ನೈಜತೆ ಕುರಿತು ಮಹಾಲಕ್ಷಿ$್ಮ ಜಿಲ್ಲಾಧಿಕಾರಿಗಳ ನ್ಯಾಯಾಲಯದ ಮೊರೆ ಹೋಗಿದ್ದರು. ಅಬ್ಬಿಗೇರಿ ಅವರ ಕುಟುಂಬದವರು 2ಎ (ಗಾಣಿಗ) ಜಾತಿಗೆ ಒಳಪಟ್ಟಿಲ್ಲ ಅವರು ಹಿಂದೂ ಲಿಂಗಾಯತರು ಎಂದು ಮಹಾಲಕ್ಷಿ$್ಮ ಅವರ ಆರೋಪವಾಗಿತ್ತು.
ಕಳೆದ ಜು.7 ರಂದು ತಹಸೀಲ್ದಾರ ನೇತೃತ್ವದಲ್ಲಿ ನಡೆದ ಜಂಟಿ ಸ್ಥಳ ತನಿಖಾ ವರದಿ ಸಿದ್ಧಪಡಿಸಿ ಜಿಲ್ಲಾಧಿಕಾರಿಗೆ ಸಲ್ಲಿಸಲಾಗಿತ್ತು. ವರದಿ ಅನ್ವಯ ಅನಿಲ ಅಬ್ಬಿಗೇರಿ ಅವರ 2ಎ ಜಾತಿ ಪ್ರಮಾಣ ಪತ್ರವನ್ನು ಜಿಲ್ಲಾಧಿಕಾರಿ ರದ್ದು ಮಾಡಿ ಆದೇಶಿಸಿದ್ದಾರೆ.
ಕಾನೂನು ಸಮರ:
ಜಿಲ್ಲಾಧಿಕಾರಿ ಆದೇಶದ ಪ್ರಶ್ನಿಸಿ ಕಾನೂನು ಸಮರ ಮುಂದುವರಿಸುವುದಾಗಿ ಅನಿಲ ಅಬ್ಬಗೇರಿ ತಿಳಿಸಿದ್ದಾರೆ. ನಗರಸಭೆಯಲ್ಲಿ ಪ್ರಭಾವಿ ಆಗಿರುವ ಹಿನ್ನೆಲೆ ನನ್ನ ವಿರುದ್ಧ ರಾಜಕೀಯ ಷಢ್ಯಂತ್ರ ನಡೆದಿದೆ. ಕಾಂಗ್ರೆಸ್ಸಿನ ಪ್ರಭಾವಿ ನಾಯಕರು ನನ್ನ ವಿರುದ್ಧ ಷಢ್ಯಂತ್ರ ರೂಪಿಸಿದ್ದಾರೆ. ನಗರಸಭೆಯಲ್ಲಿ ಕಾಂಗ್ರೆಸ್​ ಆಳ್ವಿಕೆ ತರಲು ಈ ಹುನ್ನಾರ ನಡೆದಿದೆ ಎಂದು ಅನಿಲ ಅಬ್ಬಿಗೇರಿ ಆರೋಪಿಸಿದ್ದಾರೆ.

ರಾಜಕೀಯ ಬದಲಾವಣೆ:
ಜಿಲ್ಲಾಧಿಕಾರಿ ಆದೇಶ ಪ್ರಶ್ನಿಸಿ ಅಬ್ಬಿಗೇರಿ ಮೇಲ್ಮನವಿ ಸಲ್ಲಿಸಲು ಸಿದ್ಧರಾದರೆ, ಆದೇಶಕ್ಕೆ ಪೂರಕವಾಗಿ ಮಹಾಲಕ್ಷಿ$್ಮ ಡಂಬಳ ಅವರು ಅನಿಲ ಅಬ್ಬಿಗೇರಿ ಅವರ ನಗರಸಭೆ ಸದಸ್ಯತ್ವ ರದ್ದು ಕೋರಿ ನ್ಯಾಯಾಲಯ ಮೊರೆ ಹೋಗಬಹುದು ಎಂದು ತಿಳಿದುಬಂದಿದೆ. ಗದಗ ನಗರಸಭೆಯಲ್ಲಿ 17 ಬಜೆಪಿ ಸದಸ್ಯರು, 16 ಕಾಂಗ್ರೆಸ್​ ಸದಸ್ಯರಿದ್ದು, ಬಿಜೆಪಿ ಅಧಿಕಾರದ ಚುಕ್ಕಾಣಿ ಹಿಡಿದಿದೆ. ಈ ಬೆಳವಣಿಗೆ ನಗರಸಭೆಯಲ್ಲಿ ರಾಜಕೀಯ ಬದಲಾವಣೆ ಗಾಳಿ ಬೀಸಲಿದೆ ಎಂದು ಊಹಿಸಲಾಗಿದೆ.