VIDEO| ಬೀದಿ ನಾಯಿಗೆ ಊಟ ಹಾಕಿದ್ದಕ್ಕೆ ಫೈಟ್​! ಟೆಕ್ಕಿ ಮಹಿಳೆಯ ಮೇಲೆ ಹಲ್ಲೆ ಮಾಡಿರುವ ವಿಡಿಯೋ ವೈರಲ್​

ಬೆಂಗಳೂರು: ನಗರದಲ್ಲಿ ಬೀದಿ ನಾಯಿಗಳ ಕಾಟ ಹೆಚ್ಚಾಗಿದೆ ಎನ್ನುವ ಕೂಗು ಹೆಚ್ಚುತ್ತಿರುವಾಗಲೇ ಅದೇ ವಿಚಾರಕ್ಕೆ ಸ್ಥಳೀಯರ ಜಗಳವೂ ಹೆಚ್ಚಾಗಿದೆ. ನಾಗರಬಾವಿಯಲ್ಲಿ ಬೀದಿ ನಾಯಿಗೆ ಟೆಕ್ಕಿ ಮಹಿಳೆ ಒಬ್ಬಳು ಊಟ ಹಾಕಿದ ವಿಚಾರಕ್ಕೆ ಜಗಳವಾಗಿರುವ ವಿಡಿಯೋ ಇದೀಗ ವೈರಲ್​ ಆಗಿದೆ.

ನಾಗರಬಾವಿಯ ವಿನಾಯಕ ಲೇಔಟ್​ನಲ್ಲಿ ಇಂತದ್ದೊಂದು ಘಟನೆ ನಡೆದಿದೆ. ಸತ್ಯಜಿತ್ ಎಂಬುವವರ ಪತ್ನಿ ಟೆಕ್ಕಿಯಾಗಿದ್ದು, ಮನೆಯಲ್ಲಿ ನಾಯಿ ಸಾಕಿದ್ದಾರೆ. ಪ್ರತಿದಿನ ನಾಯಿಯನ್ನು ವಾಕಿಂಗ್​ ಕರೆದುಕೊಂಡು ಹೋಗುವಾಗ ಬೀದಿ ನಾಯಿಗಳಿಗೂ ಊಟ ಹಾಕಿ ಬರುತ್ತಿದ್ದರಂತೆ. ಆದರೆ ರಾತ್ರಿ ವೇಳೆ ರಸ್ತೆಯಲ್ಲಿ ಓಡಾಡುವ ಬೈಕ್​ ಸವಾರರಿಗೆ ಆ ನಾಯಿಗಳು ಕಚ್ಚಲು ಬರುತ್ತಿದ್ದವಂತೆ. ಆ ಸಿಟ್ಟಿನಿಂದಾಗಿ ಸ್ಥಳೀಯರು ಟೆಕ್ಕಿ ಮಹಿಳೆಯ ಜತೆ ಜಗಳವಾಡಿದ್ದಾರೆ.

ನಾಯಿಗೆ ಊಟ ಹಾಕಬೇಡಿ ಎಂದು ಸ್ಥಳೀಯರು ಮಹಿಳೆಗೆ ತಾಕೀತು ಮಾಡಿದ್ದಾರೆ. ಆದರೆ ಅದಕ್ಕೆ ಆಕೆ ಒಪ್ಪದಿದ್ದಾಗ ಮಾತಿಗೆ ಮಾತು ಬೆಳೆದು ಜಗಳವಾಗಿದೆ. ಯುವಕನೋರ್ವ ಮಹಿಳೆಯ ಮೇಲೆ ಚಪ್ಪಲಿ ಎಸೆದಿರುವ ದೃಶ್ಯ ವಿಡಿಯೋದಲ್ಲಿ ಸೆರೆಯಾಗಿದೆ. ಈ ಸಂಬಂಧ ಅನ್ನಪೂರ್ಣೇಶ್ವರಿನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್​ಬುಕ್​ ಪೇಜ್​ ಲೈಕ್​ ಮಾಡಿ

https://www.vijayavani.net/hitesha-chandrani-zomato-case/

https://www.vijayavani.net/omar-abdullah-old-photo-of-childhood/