ಪಟ್ಟಣದಲ್ಲಿ ಕೋಮುಗಲಭೆಯಿಂದ ಹಾನಿಗೊಳಗಾದ ಸ್ಥಳಗಳಿಗೆ ಬಿಜೆಪಿ ನಿಯೋಗದೊಂದಿಗೆ ಭೇಟಿ ನೀಡಿ ಮಾತನಾಡಿದರು. ಭಯೋತ್ಪಾದಕರಿಗೆ, ಮುಸ್ಲಿಂ ರೌಡಿಗಳಿಗೆ ಕಾಂಗ್ರೆಸ್ ಸರ್ಕಾರ ಬಂದ ನಂತರ ಇದು ನಮ್ಮ ಸರ್ಕಾರ ಎಂಬ ನಂಬಿಕೆ ಬಂದಂತೆ ಕಾಣುತ್ತಿದೆ. ಬೈಕ್ಗಳಿಗೆ, ಅಂಗಡಿಗಳಿಗೆ ಪೊಲೀಸರ ಮುಂದೆಯೇ ಬೆಂಕಿ ಹಾಕಲಾಗಿದೆ. ಅವರು ಅಷ್ಟೆಲ್ಲ ಮಾಡುತ್ತಿದ್ದರೆ ಪೊಲೀಸರು ಕತ್ತೆ ಕಾಯುತ್ತಿದ್ದರಾ? ಕರ್ನಾಟಕದಲ್ಲಿ ಕಾನೂನು ಸುವ್ಯವಸ್ಥೆ ಹಾಳಾಗಿರುವುದಕ್ಕೆ ಇದಕ್ಕಿಂತ ಬೇರೆ ಉದಾಹರಣೆ ಬೇಕಿಲ್ಲ ಎಂದು ಆರೋಪಿಸಿದರು.
ಗಣೇಶ ಉತ್ಸವ ನಡೆಯುತ್ತಿರುವ ರಾಜ್ಯದ ವಿವಿಧ ಕಡೆಗಳಲ್ಲಿ ಗಲಾಟೆಗಳಾಗುತ್ತಿವೆ. ಸರ್ಕಾರ ನಮಗೆ ಬೆಂಬಲವಾಗಿದೆ ಎಂಬುದು ಅವರಿಗೆ ಧೈರ್ಯವಾಗಿದೆ. ಈ ತರಹದ ಘಟನೆಗಳು ರಾಜ್ಯದಲ್ಲಿ ಪದೇ ಪದೆ ಆಗುತ್ತಿವೆ. ಶಿವಮೊಗ್ಗದಲ್ಲಿ ಮಚ್ಚು, ಲಾಂಗ್ ತೆಗೆದುಕೊಂಡು ಹೊಡೆದಾಡಿದಾಗಲೂ ಯಾವುದೇ ಕ್ರಮವಾಗಿಲ್ಲ. ಕೋಲಾರದಲ್ಲಿ 250 ಕೆ.ಜಿ. ತಲ್ವಾರ್ ಅಳವಡಿಸಿದ್ದಾಗಲೂ ಅವರ ವಿರುದ್ಧ ಯಾವುದೇ ಕ್ರಮವಾಗಿಲ್ಲ. ಕಾಂಗ್ರೆಸ್ನ ಎಂಎಲ್ಸಿಯೊಬ್ಬರು ಬಾಂಗ್ಲಾದೇಶದ ಮಾದರಿಯಲ್ಲಿ ಇಲ್ಲಿಯೂ ಮಾಡುತ್ತೇವೆ ಎಂದು ಹೇಳಿಕೆ ಕೊಟ್ಟಿದ್ದರು ಈಗ ಅದೇ ರೀತಿ ಮಾಡುತ್ತಿದ್ದಾರೆ ಎಂದು ದೂರಿದರು.
ಕೆರಗೋಡಿನಲ್ಲಿ ಹನುಮ ಧ್ವಜ ಕೆಳಗಿಳಿಸುವಾಗ ಸಂಪೂರ್ಣ ಕಾಂಗ್ರೆಸ್ಸಿಗರಿದ್ದರು. ಹನುಮನನ್ನು ವಿಲನ್ ಮಾಡಿದ್ದಾಯ್ತು, ಈಗ ಗಣೇಶನ ಕಂಡರೂ ಆಗುತ್ತ್ತಿಲ್ಲ. ಸಿದ್ದರಾಮಯ್ಯ ಅವರಿಗೆ ಹಣೆಯಲ್ಲಿ ಕುಂಕುಮ ಕಂಡರೆ, ಕೇಸರಿ ಕಂಡರೆ ಆಗುವುದಿಲ್ಲ. ಈಗ ಏನೋ ಕೇಸ್ ಬಿದ್ದಿದೆ ಅಂತ ನಾಮವಿಡುತ್ತಿದ್ದಾರೆ. ಗಣೇಶನ ಮೇಲೆ ಕಾಂಗ್ರೆಸ್ಸಿನವರಿಗೆ ವಕ್ರದೃಷ್ಟಿ ಬಿದ್ದಿದೆ. ಈ ಸರ್ಕಾರ ಸರ್ವನಾಶವಾಗೋದು ಗ್ಯಾರಂಟಿ. ಇದೇ ರೀತಿ ರಾಜ್ಯದಲ್ಲಿ ಹಿಂದುಗಳ ಮೇಲೆ ದಬ್ಬಾಳಿಕೆ, ದೌರ್ಜನ್ಯ ಮಾಡುತ್ತಿದ್ದರೆ, ಮುಸ್ಲಿಂ ಓಲೈಕೆ ರಾಜಕಾರಣ ಮಾಡಿದರೆ ಮುಂದಿನ ದಿನಗಳಲ್ಲಿ ಕಾಂಗ್ರೆಸ್ಗೆ ಠೇವಣಿ ಕೂಡ ಬರಲ್ಲ ಎಂದು ಜರಿದರು.
