ಪಿಂಜಾರ ನಿಗಮ ಅನುಷ್ಠಾನ ಮಾಡಿ

ಕೊಪ್ಪಳ: ಪಿಂಜಾರ ನಿಗಮ ಅನುಷ್ಠಾನ ಮಾಡಿ ಅನುದಾನ ಒದಗಿಸಿ ಯೋಜನೆ ರೂಪಿಸಲು ಆಗ್ರಹಿಸಿ ರಾಜ್ಯ ರಾಜ್ಯ ನದಾಫ್​/ ಪಿಂಜಾರ ಸಂಘದ ಪದಾಧಿಕಾರಿಗಳು ಸೋಮವಾರ ಜಿಲ್ಲಾಧಿಕಾರಿ ಮೂಲಕ ರಾಜ್ಯ ಸರ್ಕಾರಕ್ಕೆ ಮನವಿ ಸಲ್ಲಿಸಿದರು.

ರಾಜ್ಯದಲ್ಲಿ ನಾವು 25 ಲಕ್ಷ ಜನರಿದ್ದೇವೆ. ಸಾಮಾಜಿಕ, ಶೈಕ್ಷಣಿಕ, ಸಾಂಸತಿಕ, ಔದ್ಯೋಗಿಕ, ರಾಜಕೀಯವಾಗಿ ಹಿಂದುಳಿದಿದ್ದೇವೆ. ಮುಸ್ಲಿಮ್​ ಧರ್ಮದವರಾದರೂ ಹಿಂದುಳಿದ ವರ್ಗಗಳ ಪ್ರವರ್ಗ 1ರಡಿ ಬರುತ್ತೇವೆ. ಅಲ್ಪಸಂಖ್ಯಾತ ಅಭಿವೃದ್ಧಿ ನಿಗಮದ ಸೌಲಭ್ಯಗಳು ದೊರೆಯುತ್ತಿಲ್ಲ. ಸರ್ಕಾರ ಸೂಚಿಸಿದರೂ ತಾಂತ್ರಿಕ ತೊಂದರೆಗಳಿಂದ ಸಾಧ್ಯವಾಗಿಲ್ಲ. ಅಧಿಕಾರಿಗಳ ರ್ನಿಲಕ್ಷ$್ಯತನದಿಂದ ಯಾವೊಂದು ಯೋಜನೆ ನಮಗೆ ತಲುಪುತ್ತಿಲ್ಲವೆಂದು ದೂರಿದರು.

ಸರ್ಕಾರ ನದಾಫ್​/ಪಿಂಜಾರ ಸಮುದಾಯಕ್ಕೆ ಪ್ರತ್ಯೇಕ ಅಭಿವೃದ್ಧಿ ನಿಗಮ ಘೋಷಿಸಿದೆ. ಅದನ್ನು ಅನುಷ್ಠಾನ ಮಾಡಿ. ಅನುದಾನ ನೀಡಿ. ಹುದ್ದೆ ಸೃಜಿಸಿ ಅಧಿಕಾರಿಗಳನ್ನು ನೇಮಿಸಿ. ಆದರೆ, ಈ ಕೆಲಸವಾಗುತ್ತಿಲ್ಲ. ತಕ್ಷಣ ನಮ್ಮ ಬೇಡಿಕೆ ಈಡೇರಿಸಬೇಕು. ಸಚವಿ ತಂಗಡಗಿ ಹೇಳಿದಂತೆ ನಿಗಮಕ್ಕೆ 10 ಕೋಟಿ ಅನುದಾನ ಒದಗಿಸಿ. ಯೋಜನೆ ಜಾರಿ ಮಾಡಿ ಎಂದು ಆಗ್ರಹಿಸಿದರು. ಇಲ್ಲದಿದ್ದರೆ ಹೋರಾಟಕ್ಕೆ ಇಳಿಯತ್ತೇವೆಂದು ಎಚ್ಚರಿಸಿದರು.

ರಾಜ್ಯ ನದಾಫ್​/ಪಿಂಜಾರ ಸಂಘದ ಕೋಶಾಧ್ಯಕ್ಷ ಶಂಶುದ್ದೀನ್​ ಸಾಬ್​ ನೂರಬಾಷಾ, ಜಿಲ್ಲಾಧ್ಯಕ್ಷ ಖಾಸಿಂ ಅಲಿ ಮುದ್ದಾಬಳ್ಳಿ, ಮಹಿಳಾ ಘಟಕ ಜಿಲ್ಲಾಧ್ಯಕ್ಷೆ ಸಲ್ಮಾ ಜಾನ್​, ಜಿಲ್ಲಾ ಕಾರ್ಯದರ್ಶಿ ಯಾಸೀನಸಾಬ್​, ತಾಲೂಕು ಅಧ್ಯಕ್ಷ ಅಸ್ಮಾನ್​ ಸಾಬ್​ ನದಾಫ್​, ಜಿಲ್ಲಾ ಉಪಾಧ್ಯಕ್ಷ ಜಾಕೀರ್​ ತಳಕಲ್​, ಪ್ರಮುಖರಾದ ಮೀರಸಾಬ್​ ಬನ್ನಿಗೋಳ, ಮುರ್ತುಜಸಾಬ್​ ಚುಟ್ಟದ, ಮುಸ್ತಫಾ ಕುದುರಿಮೋತಿ, ರಿಯಾಜ್​ ಕುದರಿಮೋತಿ, ಫಕ್ರುದ್ದೀನ್​ ಟಣಕನಕಲ್​, ಮರ್ದಾನ್​ ಸಾಬ್​ ಲುಂಗಿ, ನೂರಜಾ ಬೇಗಂ, ಮಾನ್ವಿ ಪಾಷಾ ಇತರರಿದ್ದರು.