ಬಿಗ್ ಕ್ಯಾಟ್ ಶೃಂಗಸಭೆಗೆ ಆದಿವಾಸಿಗಳ ವಿರೋಧ

ನಾಗರಹೊಳೆ ರಾಷ್ಟ್ರೀಯ ಉದ್ಯಾನವನದ ನಾಣಾಚ್ಚಿ ಗೇಟ್‌ನ ಬಾಳೆಕೋವು ಹಾಡಿಯಲ್ಲಿ ಹಮ್ಮಿಕೊಂಡಿದ್ದ ಪ್ರತಿಭಟನೆಯಲ್ಲಿ ಭಾಗವಹಿಸಿ ಅವರು ಮಾತನಾಡಿದರು.

ನಾಗರಹೊಳೆ ಉದ್ಯಾನವನವು ಈ ನೆಲದ ಜೇನು ಕುರುಬ, ಬೆಟ್ಟ ಕುರುಬ, ಪಣಿಯ ಮತ್ತು ಯರವ ಸಮುದಾಯಗಳ ಪಾರಂಪರಿಕ ನೆಲೆಯಾಗಿದೆ. ನಮ್ಮ ಪೂರ್ವಜರಿಂದ ಬಂದ ಮೌಲ್ಯಗಳು ಮತ್ತು ಜಾನಪದ ಪದ್ಧತಿಗಳೊಂದಿಗೆ ಕಾಡು ಮತ್ತು ವನ್ಯಜೀವಿಗಳನ್ನು ಸಂರಕ್ಷಿಸಿಕೊಂಡು ಬಂದಿದ್ದೇವೆ. ಆದಿವಾಸಿ ಸಂಪ್ರದಾಯಗಳು ಮತ್ತು ಪರಂಪರೆಯನ್ನು ಸಂವಿಧಾನದ ಐದನೇ ಅನುಸೂಚಿ ಮತ್ತು ಪೇಸಾ ಕಾಯ್ದೆ, ಅರಣ್ಯಹಕ್ಕು ಕಾಯ್ದೆಯ ಮೂಲಕ ಬಲಗೊಳಿಸಲಾಗಿದೆ. ಆದರೆ ಸಂರಕ್ಷಿತ ಪ್ರದೇಶಗಳಲ್ಲಿ ಆದಿವಾಸಿ ಜನರ ಮತ್ತು ಸಂಪ್ರದಾಯಗಳ ಮೇಲೆ ನಡೆಯುತ್ತಿರುವ ಅನ್ಯಾಯದ ಕಡೆ ಗಮನ ನೀಡದ ಸರ್ಕಾರಗಳು ಇದೀಗ ಅಂತಾರಾಷ್ಟ್ರೀಯ ಬಿಗ್ ಕ್ಯಾಟ್ ಶೃಂಗಸಭೆ ನಡೆಸುವ ಮೂಲಕ ನಮ್ಮ ಮೇಲಾಗಿರುವ ಗಾಯಕ್ಕೆ ಉಪ್ಪು ಸವರುತ್ತಿದ್ದಾರೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಮುಖಂಡ ಆರ್.ಸಿ.ರಾಮು ಮಾತನಾಡಿ, ದೇಶದಲ್ಲಿ ಎನ್‌ಟಿಸಿಯ ರಚನೆಯಾದ ನಂತರ ಹುಲಿ ಸಂರಕ್ಷಿತ ಪ್ರದೇಶಗಳಲ್ಲಿ ನಡೆದ ಬಲವಂತದ ತೆರವುಗಳನ್ನು ಸ್ವಯಂಪ್ರೇರಿತ ಸ್ಥಳಾಂತರವೆಂದು ಬಿಂಬಿಸಲಾಯಿತು. ಇದೀಗ ಹಸಿರು ಹೊದಿಸುವ ಕಾರಣವೊಡ್ಡಿ ಆದಿವಾಸಿಗಳ ಬದುಕನ್ನು ಕಿತ್ತುಕೊಳ್ಳಲಾಗುತ್ತಿದೆ. ಶೃಂಗಸಭೆ ಆಯೋಜನೆ ಕುರಿತು ಯಾವುದೇ ಗ್ರಾಮಸಭೆಗಳ ಒಪ್ಪಿಗೆ ಪಡೆಯದೇ ನಡೆಸಲಾಗುತ್ತಿದ್ದು, ನಾಗರಹೊಳೆ ಆದಿವಾಸಿ ಜಮ್ಮಪಾಳೆ ಹಕ್ಕು ಸ್ಥಾಪನಾ ಸಮಿತಿ, ಆದಿವಾಸಿಗಳ ಸಾಂಪ್ರದಾಯಿಕ ವ್ಯವಸ್ಥೆಯ ಗುಂಪು ಮತ್ತು ಗ್ರಾಮಸಭೆಗಳ ಒಕ್ಕೂಟವು ವಿರೋಧಿಸುತ್ತದೆ ಎಂದರು.

ಪ್ರತಿಭಟನೆಯಲ್ಲಿ ಮುಖಂಡರಾದ ಜೆ.ಎಸ್.ರಾಮಕೃಷ್ಣ, ಬಳ್ಳೆಹಾಡಿ ರಮೇಶ್, ಮಂಜುಳಾ, ಪ್ರೇಮಾ, ಸೋಮೇಶ್, ಮಣಿ ಇತರರಿದ್ದರು.