ಪ್ರಾಮಾಣಿಕವಾಗಿ ಅಭಿವೃದ್ಧಿಗೆ ಒತ್ತು ಕೊಡುವವರನ್ನು ಬೆಂಬಲಿಸಿ

ತಾಲೂಕಿನ ತಿಪ್ಪೂರು ಗ್ರಾಮದಲ್ಲಿ ನೂತನವಾಗಿ ನಿರ್ಮಾಣವಾಗಿರುವ ಒಕ್ಕಲಿಗ ಸಮುದಾಯ ಭವನವನ್ನು ಭಾನುವಾರ ಉದ್ಘಾಟಿಸಿ ಮಾತನಾಡಿದ ಅವರು ಸಿದ್ದರಾಮಯ್ಯನವರು ಎಂಟು ವರ್ಷಗಳು ಮುಖ್ಯಮಂತ್ರಿ ಆಗಿ ಅಧಿಕಾರ ನಡೆಸಿದ್ದಾರೆ. ಕುರುಬ ಸಮಾಜದ ಬಂಧುಗಳು ಎಲ್ಲರನ್ನು ನೋಡಿದ್ದೀರ. ಆದ್ದರಿಂದ ವ್ಯಾಮೋಹ ಬಿಟ್ಟು ನಮ್ಮನ್ನು ನಿಮ್ಮವರೇ ಎಂಬ ಭಾವನೆಯಿಂದ ಪ್ರೀತಿ ಮಾಡಿ. ಯಾರು ಪ್ರಾಮಾಣಿಕವಾಗಿ ಅಭಿವೃದ್ಧಿಗೆ ಒತ್ತು ಕೊಡುತ್ತಾರೆ ಅವರನ್ನು ಬೆಂಬಲಿಸಿ ಎಂದರು.

ಮಾಜಿ ಸಚಿವ ಸಾ.ರಾ.ಮಹೇಶ್ ಮಾತನಾಡಿ, ರಾಜಕಾರಣ ನಿಂತ ನೀರಲ್ಲ, ಹದಿನೈದು ವರ್ಷ ಒಂದೇ ಒಂದು ದಿನ ನಿಮ್ಮ ಬ್ಯಾನರ್, ಕರೆಂಟ್ ತೆಗಿಸಿಲ್ಲ. ನೀವು ಲಾಟರಿ ಶಾಸಕ. ಕೈಕಾಲು ಕಟ್ಟಿದ್ದಕ್ಕೆ ಜನರು ನಿಮ್ಮನ್ನು ಗೆಲ್ಲಿಸಿದ್ದಾರೆ, ಇವಾಗ ಜನರಿಗೆ ಗೊತ್ತಾಗಿದೆ. ಯಾಕೆ ಜನರನ್ನು ಗೊಳಾಡಿಸುತ್ತಿರಾ? ನಿಮ್ಮದೇ ಸರ್ಕಾರಕ್ಕೆ ಮೂರು ವರ್ಷ ಆಗಿದೆ. ಆದರೆ ಅಭಿವೃದ್ಧಿ ಕಡೆ ಗಮನ ಹರಿಸಿ. ಈ ಪ್ಲೆಕ್ಸ್ ರಾಜಕೀಯ ಬಿಡಿ ಎಂದು ಶಾಸಕ ಡಿ.ರವಿಶಂಕರ್ ಅವರಿಗೆ ಪರೋಕ್ಷವಾಗಿ ಟಾಂಗ್ ನೀಡಿದರು.

ಕೆ.ಆರ್.ನಗರ ವಿಧಾನಸಭಾ ಕ್ಷೇತ್ರದ ವ್ಯಾಪ್ತಿಯ ಗ್ರಾಮಗಳ ಅಭಿವೃದ್ಧಿಗೆ ನಾನು ಏನೇನು ಮಾಡಿದ್ದೇನೆ ಎಂದು ಪುಸ್ತಕ ಪ್ರಿಂಟ್ ಹಾಕಿಸಿದ್ದೇನೆ. ತೆಗೆದು ಓದಿ ನೋಡಿ. ಈ ದೌರ್ಜನ್ಯ ಹೆಚ್ಚು ದಿನ ಉಳಿಯಲ್ಲ. ಎಷ್ಟು ಬಾರಿ ತಿಪ್ಪೂರು ಗ್ರಾಮಕ್ಕೆ ಬಂದಿದ್ದೀರಾ? ನಾನು ಹಾಗೂ ಕುಮಾರಸ್ವಾಮಿ ಅವರು ಹಲವು ಬಾರಿ ಬಂದಿದ್ದೇವೆ. ತಿಪ್ಪೂರು ಗ್ರಾಮದ ಅಭಿವೃದ್ಧಿಗೆ ಕೋಟ್ಯಂತರ ರೂ.ಗಳ ಹಣ ಒದಗಿಸಿದ್ದೇನೆ. 21ಕ್ಕೂ ಹೆಚ್ಚು ಅತಿ ಸೂಕ್ಷ್ಮ ಸಮಾಜ ಇದ್ದಾರೆ. ಎಲ್ಲರೂ ಒಗ್ಗೂಡಿಸಿ ಬದುಕು ಸಾಗಿಸುತ್ತಿದ್ದಾರೆ. ಈ ಒಗ್ಗಟ್ಟು ಹೀಗೆ ಇರಲಿ ಎಂದು ನುಡಿದರು.

ಕಾರ್ಯಕ್ರಮದಲ್ಲಿ ವಿಧಾನ ಪರಿಷತ್ ಸದಸ್ಯ ಸಿ.ಎನ್.ಮಂಜೇಗೌಡ, ಮಾಜಿ ಶಾಸಕರಾದ ಕೆ.ಮಹದೇವ್, ಅಶ್ವಿನ್‌ಕುಮಾರ್, ನವನಗರ ಅರ್ಬನ್ ಬ್ಯಾಂಕ್ ಅಧ್ಯಕ್ಷ ಕೆ.ಎನ್.ಬಸಂತ್, ಬಿಜೆಪಿ ಮುಖಂಡ ಹೊಸಹಳ್ಳಿ ವೆಂಕಟೇಶ್, ಮುಖಂಡರಾದ ಮಂಜುನಾಥ್, ದಾಸಶೆಟ್ಟಿ, ಪಿ.ಡಿ.ದಿವಾಕರ್, ಮಹದೇವ್, ವಕೀಲ ತಿಮ್ಮೇಗೌಡ, ವೆಂಕಟರಮಣೇಗೌಡ, ಹರ್ಷಿತ್‌ಕುಮಾರ್, ತಿಪ್ಪೂರು ಸತ್ಯ, ಪಾರ್ಥ, ನೀಲಯ್ಯ ಸೇರಿದಂತೆ ಇನ್ನಿತರರು ಹಾಜರಿದ್ದರು.