ರೈತರಿಗೆ ಪ್ರೋತ್ಸಾಹ ಧನ ಹೆಚ್ಚಿಸಲು ಕ್ರಮ

ದಸರಾ ವಸ್ತುಪ್ರದರ್ಶನ ಆವರಣದಲ್ಲಿ ಭಾನುವಾರ ಆಯೋಜಿಸಿದ್ದ ಜಿಲ್ಲಾ ಮಟ್ಟದ ಸಿರಿಧಾನ್ಯ ಹಬ್ಬದಲ್ಲಿ ಮಾತನಾಡಿದರು.

ಹಿಂದೆಲ್ಲಾ ಸಿರಿಧಾನ್ಯಗಳನ್ನು ಹೆಚ್ಚಾಗಿ ಬಳಕೆ ಮಾಡುತ್ತಿದ್ದರಿಂದ ಎಲ್ಲರ ಆರೋಗ್ಯವೂ ಚೆನ್ನಾಗಿತ್ತು. ಕಾಲ ಕಳೆದಂತೆ ಆಹಾರ ಪದಾರ್ಥಗಳಲ್ಲಿ ಆಗಿರುವ ಬದಲಾವಣೆ ಹಾಗೂ ಆರೋಗ್ಯದ ಮೇಲೆ ಉಂಟಾಗುತ್ತಿರುವ ಪರಿಣಾಮದಿಂದಾಗಿ ಮತ್ತೆ ಎಲ್ಲರೂ ಸಿರಿಧಾನ್ಯ ಬಳಕೆಗೆ ಮುಂದಾಗಿದ್ದಾರೆ. ಉತ್ತಮ ಆರೋಗ್ಯಕರ ಸಮಾಜ ನಿರ್ಮಾಣಕ್ಕೆ ಸಿರಿಧಾನ್ಯಗಳ ಬಳಕೆ ಅವಶ್ಯವಾಗಿದೆ ಎಂದು ತಿಳಿಸಿದರು.

ಇದೇ ವೇಳೆ ಉದ್ಯಮಿ ಚಂದ್ರಶೇಖರ್, ಪ್ರಗತಿಪರ ರೈತ ಮಹಿಳೆ ವಸಂತಮ್ಮ, ವಿಜ್ಞಾನಿ ಡಾ.ದೀಪಕ್ ಸಿರಿಧಾನ್ಯಗಳ ಬಳಕೆ ಕುರಿತು ಮಾಹಿತಿ ನೀಡಿದರು.

ವಿಧಾನ ಪರಿಷತ್ ಸದಸ್ಯ ಸಿ.ಎನ್.ಮಂಜೇಗೌಡ, ಜಂಟಿ ಕೃಷಿ ನಿರ್ದೇಶಕ ಕೆ.ಎಚ್.ರವಿ, ಎಸ್‌ಪಿ ಮಲ್ಲಿಕಾರ್ಜುನ ಬಾಲದಂಡಿ, ಜಿಲ್ಲಾ ಕೃಷಿಕ್ ಸಮಾಜದ ಅಧ್ಯಕ್ಷ ಕಲ್ಮಳ್ಳಿ ಶಿವಕುಮಾರ್, ಕೃಷಿ ಉಪ ನಿರ್ದೇಶಕರಾದ ರಾಜು, ಬಿ.ಎನ್.ಧನಂಜಯ ಇತರರಿದ್ದರು.

ಇದೇ ವೇಳೆ ನಂಜನಗೂಡು ತಾಲೂಕಿನ ಮುದ್ದಹಳ್ಳಿಯ ಎಂ.ಚಿಕ್ಕಸ್ವಾಮಿ(ಸಮಗ್ರ ಕೃಷಿ) ಅವರಿಗೆ ರಾಜ್ಯಮಟ್ಟದ ಉದಯೋನ್ಮುಖ ಕೃಷಿ ಪ್ರಶಸ್ತಿ, ನಂಜನಗೂಡು ಹಾಡ್ಯ ಗ್ರಾಮದ ಎಚ್.ಬಿ.ಜಗದೀಶ್(ಸಮಗ್ರ ಕೃಷಿ), ಗೋಪಾಲಪುರ ಗ್ರಾಮದ ವಿಶ್ವನಾಥ(ಸಮಗ್ರ ಕೃಷಿ), ಪಿರಿಯಾಪಟ್ಟಣ ತಾಲೂಕು ಪಿ.ಬಸವನಹಳ್ಳಿ ಗ್ರಾಮದ ಬಿ.ಎ.ಪ್ರಕಾಶ್(ತೋಟಗಾರಿಕೆ), ಹುಣಸೂರು ಬನ್ನಿಕುಪ್ಪೆ ಗ್ರಾಮದ ಪಿ.ಪಿ.ಚೆಲುವರಾಜು(ತೋಟಗಾರಿಕೆ), ಪಿರಿಯಾಪಟ್ಟಣ ಬೆಳ್ಳತ್ತೂರು ಗ್ರಾಮದ ಬಿ.ಎಚ್.ವೆಂಕಟೇಶ್(ಪಶುಪಾಲನೆ), ಹುಣಸೂರು ಕಡೆಮನುಗನಹಳ್ಳಿ ಗ್ರಾಮದ ರುಷಬೇಂದ್ರ(ಪಶುಪಾಲನೆ), ಲಕ್ಷ್ಮೀಪುರ ಗ್ರಾಮದ ವಸಂತಕುಮಾರ್(ರೇಷ್ಮೆ), ತಿ.ನರಸೀಪುರದ ಮುತ್ತತ್ತಿ ಗ್ರಾಮದ ಕೃಷ್ಣ(ರೇಷ್ಮೆ), ಬೀಡನಹಳ್ಳಿ ಗ್ರಾಮದ ಬಸವೇಗೌಡ(ಮೀನುಗಾರಿಕೆ) ಹಾಗೂ ಹುಣಸೂರು ಆಸ್ಪತ್ರೆಕಾವಲ್ ಗ್ರಾಮದ ಎಚ್‌ಎಸ್.ಮಹಾಶೇಷಭಟ್(ಸಮಗ್ರ ಕೃಷಿ) ಅವರಿಗೆ ಜಿಲ್ಲಾ ಮಟ್ಟದ ಶ್ರೇಷ್ಠ ಕೃಷಿಕ ಪ್ರಶಸ್ತಿ ನೀಡಿ ಪ್ರೋತ್ಸಾಹಿಸಲಾಯಿತು.

ಪಾಕ ಸ್ಪರ್ಧೆ ವಿಜೇತರಿಗೆ ಬಹುಮಾನ :

ವೇದಿಕೆ ಕಾರ್ಯಕ್ರಮಕ್ಕೂ ಮುನ್ನ ನಡೆದ ಸಿರಿಧಾನ್ಯ ಪಾಕ ಸ್ಪರ್ಧೆಯಲ್ಲಿ ವಿಜೇತರಾದವರಿಗೆ ನಗದು ಬಹುಮಾನ ವಿತರಿಸಲಾಯಿತು. ಸಿಹಿ ಖಾದ್ಯದ ವಿಭಾಗದಲ್ಲಿ ಮೈಸೂರು ಪೊಲೀಸ್ ಲೇಔಟ್‌ನ ಲಕ್ಷ್ಮೀದೇವಿಕೃಷ್ಣ(ನವಣೆ ಪಾಯಸ) ಪ್ರಥಮ, ವಿಶ್ವೇಶ್ವರನಗರದ ಜಯಭಾರತಿ(್ರೆಂಚ್ ಮಿಲೆಟ್ ಮ್ಯಾಕರಾನ್) ದ್ವಿತೀಯ ಹಾಗೂ ನಂಜನಗೂಡು ನಂದಿಗುಂದದ ಪ್ರೇಮಕುಮಾರಿ(ಸಜ್ಜೆ ಹಿಟ್ಟಿನ ಚಿರೋಟಿ) ತೃತಿಯ ಬಹುಮಾನ ಪಡೆದರು. ಾರ ಖಾದ್ಯದ ವಿಭಾಗದಲ್ಲಿ ಜೆ.ಪಿ.ನಗರದ ಪ್ರೇಮಲತಾ(ಸಿರಿಧಾನ್ಯದ ಆಂಬೊಡೆ) ಪ್ರಥಮ, ಸಾಲಿಗ್ರಾಮ ತಾಲೂಕಿನ ಹನುಮನಹಳ್ಳಿಯ ಇಂದ್ರಮ್ಮ(ನವಣೆ ಹಿಟ್ಟಿನ ಕೋಡುಬಳೆ) ದ್ವಿತೀಯ ಹಾಗೂ ಎಚ್.ಡಿ.ಕೋಟೆ ಮಾದಾಪುರದ ಸುಧಾಮಣಿ(ಮಿಲ್ಲೆಟ್ಸ್ ಕೋಡುಬಳೆ) ತೃತೀಯ ಬಹುಮಾನ ಪಡೆದುಕೊಂಡರು.

ಹಾಗೆಯೇ ಮರೆತುಹೋದ ಖಾದ್ಯದ ವಿಭಾಗದಲ್ಲಿ ಮೈಸೂರು ವಿದ್ಯಾರಣ್ಯಪುರಂನ ಸುಜಾತ ಅರಸ್(ಮಿಲ್ಲೆಟ್ ನುಚ್ಚಿನುಂಡೆ) ಪ್ರಥಮ, ನಂಜನಗೂಡಿನ ಎನ್.ಉಷಾ(ಹುರುಳಿ ತೊಕ್ಕೆ ಕಾಯಿ ಹಾಲ) ದ್ವಿತೀಯ ಹಾಗೂ ಮೈಸೂರು ಚಾಮುಂಡಿಪುರಂನ ಎಂ.ಕೆ.ಸುಪ್ರಿಯಾ(ಜೋಳದ ಉಸಲಿ) ತೃತೀಯ ಬಹುಮಾನ ಗೆದ್ದುಕೊಂಡರು.

ವೇದಿಕೆ ಕಾರ್ಯಕ್ರಮಕ್ಕೂ ಮುನ್ನ ಕೋಟೆ ಆಂಜನೇಯಸ್ವಾಮಿ ದೇವಸ್ಥಾನದ ಮುಂಭಾಗದಿಂದ ದಸರಾ ವಸ್ತುಪ್ರದರ್ಶನ ಆವರಣದ ವರೆಗೆ ಸಿರಿಧಾನ್ಯ ನಡಿಗೆ-ಆರೋಗ್ಯದ ಕಡೆಗೆ ಘೋಷ ವಾಕ್ಯದೊಂದಿಗೆ ಜಾಗೃತಿ ಜಾಥಾ ನಡೆಯಿತು. ಸಿರಿಧಾನ್ಯ ಸೇವನೆ ಬಗ್ಗೆ ಸಾರ್ವಜನಿಕರಲ್ಲಿ ಅರಿವು ಮೂಡಿಸಲಾಯಿತು.