ಹನಗೋಡಿಗೆ ಸಮೀಪದ ದಾಸನಪುರದಲ್ಲಿ ಒಮ್ಮೆಲೆ ಬಂದ ಬಿರುಗಾಳಿಗೆ ಸಿಲುಕಿ ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆಯ ಮೇಲ್ಚಾವಣಿ ಹೆಂಚುಗಳು ಹಾರಿ ಹೋಗಿದೆ. ಅಲ್ಲದೆ ಗ್ರಾಮದ ಸೋಮಯ್ಯ, ಶೇಖರ್, ಮಾದೇಗೌಡ, ಗಣೇಶ್, ಪ್ರಕಾಶ್, ಸೋಮಶೇಖರ್, ಕುಮಾರ್, ಮಧು, ಮಲಿಯಯ್ಯ, ರವಿ ಸೇರಿದಂತೆ ಅನೇಕರ ಮನೆಯ ಹೆಂಚುಗಳು ಹಾರಿ ಹೋಗಿ ಮನೆಯೊಳಗಿದ್ದ ದಿನಸಿ ಪದಾರ್ಥಗಳು ನೀರಿನಲ್ಲಿ ತೋಯ್ದು ಹಾನಿಯಾಗಿದೆ. ಅಲ್ಲದೆ ಹೊಲಗಳಲ್ಲಿದ್ದ ಮರಗಳ ಕೊಂಬೆಗಳು ಮುರಿದು ಅನತಿದೂರ ಹೊತ್ತೊಯ್ದು ಹಾಕಿದೆ. ಮಳೆಯಿಂದಾಗಿ ಮರದ ಕೆಳಗೆ ನಿಲ್ಲಿಸಿದ್ದ ದ್ವಿಚಕ್ರವಾಹನಗಳು ಕೊಂಬೆ ಬಿದ್ದು ಜಖಂಗೊಂಡಿವೆ. ಪಕ್ಕದ ಕಿರಂಗೂರಿನಲ್ಲಿ ಸ್ವಾಮಿಗೌಡರ ಮನೆ ಹೆಂಚುಗಳು ಹಾರಿ ಹೋಗಿದ್ದರೆ, ಹೈರಿಗೆಯಲ್ಲಿ ಬ್ಯಾರನ್ ಕುಸಿದು ಬಿದ್ದಿದೆ. ಕುರುಬರಹೊಸಹಳ್ಳಿಯಲ್ಲಿ ಗೋವಿಂದರಿಗೆ ಸೇರಿದ ಮನೆ ಮೇಲೆ ತೆಂಗಿನ ಮರ ಬಿದ್ದಿದೆ.
