ಗಮನ ಸೆಳೆಯುತ್ತಿದೆ ಹಳ್ಳಿಕಾರ್ ತಳಿ ರಾಸುಗಳು

ಯಾಚೇನಹಳ್ಳಿ ಗ್ರಾಮದ ಹಳ್ಳಿಕಾರ್ ತಳಿಯ ಸಂರಕ್ಷಕ ಎಂದೇ ಖ್ಯಾತರಾದ ಸಿದ್ದರಾಮು ಮಾತನಾಡಿ, ಇಂದು ಹೇಮಾದ್ರಂಬ ಜಾತ್ರೆಯು ವಿಧ್ಯುಕ್ತವಾಗಿ ಆರಂಭವಾಗಿದ್ದು, ಹಳ್ಳಿಕಾರ್ ತಳಿಯ ರಾಸುಗಳೇ ಹೆಚ್ಚಾಗಿ ಕಟ್ಟಲಾಗುತ್ತಿದೆ. ಇದರಿಂದ ರೈತರಿಗೆ ಹೆಚ್ಚು ಅನುಕೂಲವಾಗಲಿದೆ. ಮುಂದಿನ ದಿನಗಳಲ್ಲಿ ಪ್ರತಿ ಮನೆ ಮನೆಗಳಲ್ಲಿ ಹಳ್ಳಿಕಾರ್ ತಳಿಯ ರಾಸುಗಳನ್ನು ಯುವಕರು ಸಾಕಲಿ ಎಂದು ಆಶಿಸಿದರು.

ಜಾತ್ರಾ ಮಹೋತ್ಸವದಲ್ಲಿ ರಾಮನಗರ, ಕೊಳ್ಳೇಗಾಲ, ಸಾತನೂರು ಸೇರಿದಂತೆ ಅನೇಕ ಕಡೆಗಳಿಂದ ಹಳ್ಳಿಕಾರ್ ತಳಿಯ ರಾಸುಗಳು ಬಂದಿದ್ದು, ರೈತರಿಂದ ರಾಸುಗಳ ಮಾರಾಟವು ಸಹ ನಡೆಯುತ್ತಿದೆ. ಉತ್ತಮ ಹಳ್ಳಿಕಾರ್ ತಳಿಯ ರಾಸುಗಳಿಗೆ ಬಹುಮಾನ ಸಹ ನೀಡಲಾಗುತ್ತಿದೆ.