ಮಾಜಿ ಶಾಸಕರ ನಿವಾಸದಲ್ಲಿ ಹಿರಿಯರಿಗೆ ಕನಕಾಭಿಷೇಕ

ಕುಟುಂಬದ ಹಿರಿಯರಾದ 95 ವರ್ಷದ ಚಂದ್ರಕಾಂತಮ್ಮ, ನಂತರದ ಐದು ತಲೆಮಾರುಗಳನ್ನು ಹೊಂದಿದ ಹಿನ್ನೆಲೆಯಲ್ಲಿ ನಗರದ ಅಮ್ಮ ನಿಲಯದಲ್ಲಿ ಕನಕಾಭಿಷೇಕ ಹಮ್ಮಿಕೊಳ್ಳಲಾಗಿತ್ತು.

ಶನಿವಾರ ಸಂಜೆಯಿಂದಲೇ ಬೆಂಗಳೂರಿನ ಆಚಾರ್ಯ ಸೌಮಿತ್ರಿ ಅವರ ಮಾರ್ಗದರ್ಶನದಲ್ಲಿ ವಿದ್ವಾನ್ ವರದರಾಜ ತಂತ್ರಿಗಳ ನೇತೃತ್ವದಲ್ಲಿ ಕನಕಾಭಿಷೇಕದ ಪೂಜಾ ವಿಧಿ ವಿಧಾನಗಳನ್ನು ಕುಟುಂಬದವರು, ನೆಂಟರಿಷ್ಟರ ಹಾಗೂ ಅಭಿಮಾನಿಗಳ ಸಮ್ಮುಖದಲ್ಲಿ ಸಂಭ್ರಮದಿಂದ ನಡೆಸಿಕೊಟ್ಟರು.

ಭಾನುವಾರ ಶ್ರೀ ಸತ್ಯನಾರಾಯಣ ಸ್ವಾಮಿ ಪೂಜೆ ನಡೆಯಿತು. ಕಲಾವಿದ ಪ್ರಸನ್ನ ತಂಡ ಸ್ಯಾಕ್ಸೋಫೋನ್ ಕಾರ್ಯಕ್ರಮ ನಡೆಸಿಕೊಟ್ಟರು. ಎರಡು ದಿನ ನಡೆದ ಕಾರ್ಯಕ್ರಮದಲ್ಲಿ ಹತ್ತು ಸಾವಿರಕ್ಕೂ ಹೆಚ್ಚು ಮಂದಿ ಸಿಹಿ ಊಟ ಸವಿದರು.

ಸಮಾರಂಭದಲ್ಲಿ ಕನಕ ಗುರುಪೀಠದ ಶಿವಾನಂದಪುರಿ ಸ್ವಾಮೀಜಿ, ಸಾಂಬಸದಾ ಶಿವಸ್ವಾಮೀಜಿ, ನಟರಾಜ ಸ್ವಾಮೀಜಿ, ನಿಜಗುಣನಂದ ಸ್ವಾಮೀಜಿ, ಫಾದರ್ ಮಾರ್ಟಿಸ್, ಮುಸ್ಲಿಂ ಮೌಲ್ವಿಗಳು, ಎಂಎಲ್‌ಸಿ ಸೀತಾರಾಮ್, ಮುಖ್ಯಮಂತ್ರಿಗಳ ಮಾಧ್ಯಮ ಕಾರ್ಯದರ್ಶಿ ಕೆ.ವಿ.ಪ್ರಭಾಕರ್, ರಾಜ್ಯ ಕುರುಬರ ಸಂಘದ ಸುಬ್ರಹ್ಮಣ್ಯ, ನಿರ್ದೇಶಕ ಬಿಳಿಗೆರೆ ಮಾದೇಗೌಡ, ಎಂಡಿಸಿಸಿ ನಿರ್ದೇಶಕ ಈಚೂರು ಲೋಕೇಶ್, ಮಾಜಿ ನಿರ್ದೇಶಕ ಅಮಿತ್ ದೇವರಹಟ್ಟಿ ಉಪವಿಭಾಗಾಧಿಕಾರಿ ಕಾವ್ಯರಾಣಿ, ತಹಸೀಲ್ದಾರ್ ಜೆ.ಮಂಜುನಾಥ್, ಪಿರಿಯಪಟ್ಟಣ ಪಿಎಲ್‌ಡಿ ಬ್ಯಾಂಕ್ ನಿರ್ದೇಶಕ ಅಲ್ಪನಾಯಯಕನಹಳ್ಳಿ ಶಿವಣ್ಣ ಇತರರಿದ್ದರು.