ಹಾವುಗಳ ಕುರಿತ ಮೂಢನಂಬಿಕೆ ಪರಿಹರಿಸುವುದು ಅಗತ್ಯ

ತಾಲೂಕಿನ ರತ್ನಪುರಿಯಲ್ಲಿ ದಿ ಲಯಾನ ಟ್ರಸ್ಟ್ ಮತ್ತು ದುಲೀಪ್ ಮಥಾಯ್ ನೇಚರ್ ಕನ್ಸರ್ವೇಷನ್ ಫೌಂಡೇಷನ್ ಸಹಯೋಗದಲ್ಲಿ ಆಯೋಜಿಸಿದ್ದ ಲಿವಿಂಗ್ ವಿತ್ ಸ್ನೇಕ್ಸ್ ಶಿಕ್ಷಣ ಕೇಂದ್ರವನ್ನು ಉದ್ಘಾಟಿಸಿ ಮಾತನಾಡಿದರು. ಭಾರತೀಯರ ಧಾರ್ಮಿಕ ಸಂಪ್ರದಾಯಗಳಲ್ಲಿ ಹಾವಿಗೆ ಹೆಚ್ಚಿನ ಮಹತ್ವವಿದೆ. ಹಾವುಗಳ ಕುರಿತು ಭಾವನಾತ್ಮಕ ಮತ್ತು ಧಾರ್ಮಿಕ ಸಂಪ್ರದಾಯಗಳನ್ನು ಅನುಸರಿಸಿಕೊಂಡು ಬಂದಿದ್ದೇವೆ. ಇವೆಲ್ಲದರ ನಡುವೆ ಹಾವಿನ ಕುರಿತಾದ ಹಲವು ಮೂಢನಂಬಿಕೆಗಳು ಜನಮಾನಸದಲ್ಲಿ ಇದ್ದು, ಇದರಿಂದ ಉರಗ ಸಂತತಿಯಲ್ಲಿನ ವ್ಯತ್ಯಾಸ, ಅವುಗಳ ಆವಾಸ ಸ್ಥಾನಗಳಲ್ಲಿನ ವ್ಯತ್ಯಯದಿಂದಾಗಿ ಮಾನವನೊಂದಿಗೆ ಸಂಘರ್ಷ ಮೂಡುವಂತಾಗಿದೆ ಎಂದು ಹೇಳಿದರು.

ದಿ ಲಯಾನ ಟ್ರಸ್ಟ್ ಮತ್ತು ದುಲೀಪ್ ಫೌಂಡೇಷನ್ ಈ ಭಾಗದ ಗ್ರಾಮೀಣರಿಗೆ ಹಾವಿನ ಕುರಿತಾಗಿ ಹೆಚ್ಚಿನ ಅರಿವು ಮೂಡಿಸುವ ನಿಟ್ಟಿನಲ್ಲಿ ಶಿಕ್ಷಣ ಕೇಂದ್ರ ಆರಂಭಿಸಿರುವುದು ಶ್ಲಾಘನೀಯ. ಸಾರ್ವಜನಿಕರಲ್ಲಿ ಮೂಡಿರುವ ಅರಿವಿನ ಕೊರತೆಯನ್ನು ಶಿಕ್ಷಣ ಕೇಂದ್ರ ದೂರಾಗಿಸುವ ಮೂಲಕ ಪ್ರಕೃತಿಯೊಂದಿಗೆ ಬಾಳುವ ಅನಿವಾರ್ಯತೆಯನ್ನು ತಿಳಿಸಲಿ ಎಂದು ತಿಳಿಸಿದರು.

ದಿ ಲಯಾನ ಟ್ರಸ್ಟ್ ಸಂಸ್ಥಾಪಕ ಜೆರಾರ್ಡ್ ಮಾರ್ಟಿನ್ ಮಾತನಾಡಿ, ಶಿಕ್ಷಣ ಕೇಂದ್ರದಲ್ಲಿ ಮಕ್ಕಳಿಗೆ ಮತ್ತು ವಯಸ್ಕರಿಗೆ ಹಾವಿನ ಸಂರಕ್ಷಣೆ ಮಹತ್ವದ ಕುರಿತಾಗಿ ಮಾಹಿತಿ ನೀಡಲಾಗುವುದು. ಹಾವಿನ ಸಂರಕ್ಷಣೆಗೆ ಸಮುದಾಯದ ಸಹಕಾರವೂ ಅಗತ್ಯವಾಗಿದೆ. ವಿವಿಧ ಜಾತಿಯ ಹಾವುಗಳ ಪರಿಚಯ, ಅವುಗಳ ಆವಾಸಸ್ಥಾನ, ಆಹಾರ ಪದ್ಧತಿ ಕುರಿತು ಮಾಹಿತಿ ನೀಡಲಾಗುವುದು. ಜನರಲ್ಲಿರುವ ತಪ್ಪುಕಲ್ಪನೆಗಳು, ಭ್ರಮೆಗಳನ್ನು ನಿವಾರಿಸುವುದು, ಹಾವು ಕಡಿತಕ್ಕೆ ಅಗತ್ಯ ಚಿಕಿತ್ಸೆಗಳ ಕುರಿತು ಮಾಹಿತಿ, ಹಾವು ಸಂಶೋಧನೆ ಮತ್ತು ಪಾಲನೆಯ ಮೂಲಭೂತ ಅಂಶಗಳನ್ನು ಸರಳ ರೀತಿಯಲ್ಲಿ ಪರಿಚಯಿಸಲಾಗುವುದು ಎಂದರು.

ರತ್ನಪುರಿ ಸರ್ಕಾರಿ ಶಾಲೆ ವಿದ್ಯಾರ್ಥಿಗಳು ಮತ್ತು ಟ್ರಸ್ಟ್ ಸಿಬ್ಬಂದಿ ಇದ್ದರು.

11ಊಓ2: