ಉದ್ಬೂರು ಗ್ರಾಮದಲ್ಲಿ ಮನೆ ಕಳವು : ನಗದು, ಚಿನ್ನಾಭರಣ ದೋಚಿದ ಕಳ್ಳರು

ಉದ್ಬೂರು ಗ್ರಾಮದ ನಿವಾಸಿ ಕೃಷ್ಣ ಎಂಬವರ ಮನೆಯಲ್ಲಿ ಕಳವು ನಡೆದಿದೆ. ಕೃಷ್ಣ ಅವರ ತಾಯಿ ಗೌರಮ್ಮ ಆರೋಗ್ಯ ಸಮಸ್ಯೆ ಯಿಂದ ಬಳಲುತ್ತಿದ್ದರು. ಈ ಹಿನ್ನೆಲೆಯಲ್ಲಿ ಕೃಷ್ಣ ಅವರು ಕುಟುಂಬ ಸಹಿತ ಮೇ 10 ರಂದು ಗೌರಮ್ಮ ಅವರ ಮನೆಗೆ ತೆರಳಿದ್ದರು. ಆ ರಾತ್ರಿ ಕಳ್ಳರು ಮನೆಯ ಬೀಗ ಮುರಿದು ಮನೆಯಲ್ಲಿದ್ದ 10 ಸಾವಿರ ರೂ. ನಗದು, 12 ಗ್ರಾಂ ಚಿನ್ನದ ಚೈನ್, ಒಟ್ಟು 16 ಗ್ರಾಂನ 4 ಉಂಗುರಗಳು, 5 ಗ್ರಾಂ ಕಿವಿ ಓಲೆ, 2 ಬೆಳ್ಳಿ ಕಾಲುಚೈನ್ ಕಳವು ಮಾಡಿದ್ದಾರೆ. ಈ ಕುರಿತು ಬುಧವಾರ ಕೃಷ್ಣ ನೀಡಿದ ದೂರಿನ ಮೇರೆಗೆ ಜಯಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.