ಮಾದಿಗ ಸಮಾಜದವರಿಗೆ ದೊರಕದ ಸರ್ಕಾರದ ಸವಲತ್ತು

ಪಟ್ಟಣದ ಅರುಂಧತಿ ಸಹಕಾರ ಸಂಘದ ಕಚೇರಿಯಲ್ಲಿ ಶನಿವಾರ ಆಯೋಜಿಸಿದ್ದ ಮಾದಾರ ಮಹಾಸಭಾದ ಪದಾಧಿಕಾರಿಗಳ ಸಭೆಯಲ್ಲಿ ತಾಲೂಕು ಮಾದಾರ ಮಹಾಸಭಾದ ಪದಾಧಿಕಾರಿಗಳ ಪಟ್ಟಿ ಬಿಡುಗಡೆ ಮಾಡಿ ಮಾತನಾಡಿದರು. ಸರ್ಕಾರದಿಂದ ವಿವಿಧ ಸವಲತ್ತುಗಳನ್ನು ವಿತರಿಸುವ ಕಮಿಟಿಗೆ ಶಾಸಕರೇ ಅಧ್ಯಕ್ಷರಾಗಿರುತ್ತಾರೆ.ಸರ್ಕಾರದಲ್ಲಿ ಇಂತಹ ಅನೇಕ ಕಮಿಟಿಗಳಿವೆ. ಈವರೆಗೆ ಮಾದಿಗ ಸಮುದಾಯದ ಒಬ್ಬನೇ ಒಬ್ಬ ವ್ಯಕ್ತಿಗೆ ಸವಲತ್ತು ದೊರೆತ ಉದಾಹರಣೆ ಇಲ್ಲ ಎಂದರು.

ಈಗಾಗಲೇ ಮಾದಾರ ಮಹಾಸಭಾಕ್ಕೆ 15ರಿಂದ 20 ಎಕರೆ ಜಮೀನು ನೀಡಬೇಕೆಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಆದೇಶಿಸಿದ್ದಾರೆ. ಅಲ್ಲಿ ಕಾಲೇಜು, ಹೈಸ್ಕೂಲ್ ತೆರೆಯುವ ಉದ್ದೇಶ ಹೊಂದಲಾಗಿದೆ. ಮಾದಾರ ಮಹಾಸಭಾದ ಕಚೇರಿಗಾಗಿ ಜಯಮಹಲ್ನಲ್ಲಿ 2 ಎಕರೆ ಭೂಮಿ ಕೊಡಬೇಕೆಂದು ಸರ್ಕಾರದ ಮುಖ್ಯ ಕಾರ್ಯದರ್ಶಿಗೆ ಪತ್ರ ಬರೆದಿದ್ದಾರೆ. ವರ್ಗೀಕರಣ ವಿಷಯಕ್ಕೆ ಸಂಬಂಧಿಸಿದಂತೆ ಮಾದಾರ ಮಹಾಸಭೆ ಕೆ.ಎಚ್.ಮುನಿಯಪ್ಪ ಅವರ ಅಧ್ಯಕ್ಷತೆಯಲ್ಲಿ ಬಹಳ ದೊಡ್ಡ ಕೆಲಸ ಮಾಡಲಾಗಿದೆ ಎಂದರು.