ಮೈಸೂರು

ಹುಣಸೂರಿನಲ್ಲಿ ಹೆಣ್ಮಕ್ಕಳೇ ಮೇಲುಗೈ

ಕೆ.ಎಲ್.ಶ್ರಾವ್ಯಾ
ಕೆ.ಎಲ್.ಶ್ರಾವ್ಯಾ
ಕಿರಣ್ ಗೌಡ.ಜಿ
Published on: 

ಪ್ರಮುಖ ಮುಖ್ಯಾಂಶಗಳು

  • ದ್ವಿತೀಯ ಪಿಯುಸಿ ಪರೀಕ್ಷೆಯಲ್ಲಿ ಸರ್ಕಾರಿ ಕಾಲೇಜು ವಿದ್ಯಾರ್ಥಿಗಳ ಸಾಧನೆ
ಹುಣಸೂರು: ದ್ವಿತೀಯ ಪಿಯು ಫಲಿತಾಂಶದಲ್ಲಿ ತಾಲೂಕು ವಿವಿಧ ಟಾಪರ್ ಸ್ಥಾನಗಳಲ್ಲಿ ಬಹುತೇಕ ವಿದ್ಯಾರ್ಥಿನಿಯರೇ ಆಗಿದ್ದು, ಹೆಣ್ಮಕ್ಕಳು ಸ್ಟ್ರಾಂಗ್ ಗುರು ಎನ್ನುವ ಮಾತನ್ನು ಸಾಬೀತುಪಡಿಸಿದ್ದಾರೆ.
ನಗರದ ಬಾಲಕಿಯರ ಸರ್ಕಾರಿ ಪದವಿಪೂರ್ವ ಕಾಲೇಜು ವಿದ್ಯಾರ್ಥಿನಿ ಕೆ.ಎಲ್.ಶ್ರಾವ್ಯಾ ಕಲಾವಿಭಾಗದಲ್ಲಿ 589 ಅಂಕ ಗಳಿಸುವ ಮೂಲಕ ತಾಲೂಕಿಗೆ ಟಾಪರ್ ಆಗಿ ಹೊರಹೊಮ್ಮಿದ್ದಾರೆ. ವಾಣಿಜ್ಯ ವಿಭಾಗದಲ್ಲಿ ಶಾಸ್ತ್ರಿ ಕಾಂಪೋಸಿಟ್ ಪಿಯು ಕಾಲೇಜಿನ ವಿದ್ಯಾರ್ಥಿ ಯೋಗೀಶ್ 591 ಅಂಕಗಳೊಂದಿಗೆ ತಾಲೂಕು ಟಾಪರ್ ಗರಿ ಪಡೆದುಕೊಂಡರೆ, ವಿಜ್ಞಾನ ವಿಭಾಗದಲ್ಲಿ ನಗರದ ಸಂತ ಜೋಸೆಫರ ಪಿಯು ಕಾಲೇಜಿನ ಎಸ್.ಸ್ನೇಹಾ 583 ಅಂಕ ಗಳಿಸುವ ಮೂಲಕ ತಾಲೂಕು ಟಾಪರ್ ಸ್ಥಾನ ಗಿಟ್ಟಿಸಿಕೊಂಡರು.
ಸರ್ಕಾರಿ ಕಾಲೇಜಿನ ಸಾಧನೆ: ತಾಲೂಕಿನಲ್ಲೇ ಅತಿ ಹೆಚ್ಚು 600ಕ್ಕೂ ಹೆಚ್ಚು ವಿದ್ಯಾರ್ಥಿಗಳನ್ನು ಹೊಂದಿರುವ ನಗರದ ಬಾಲಕಿಯರ ಸರ್ಕಾರಿ ಪದವಿಪೂರ್ವ ಕಾಲೇಜು ಈ ಬಾರಿ ಸಾಧನೆಯ ಮೆಟ್ಟಿಲು ಹತ್ತಿದೆ. ಬಡಕುಟುಂಬದ ವಿದ್ಯಾರ್ಥಿನಿ ಕೆ.ಎಲ್.ಶ್ರಾವ್ಯಾ ಕಲಾವಿಭಾಗದಲ್ಲಿ ತಾಲೂಕು ಟಾಪರ್ ಆಗಿದ್ದಾರೆ. ವಿಜ್ಞಾನ ವಿಭಾಗದಲ್ಲಿ ವಿದ್ಯಾರ್ಥಿನಿ ನಿವೇದಿತಾ 581 ಅಂಕಗಳೊಂದಿಗೆ ತಾಲೂಕಿನ ದ್ವಿತೀಯ ಟಾಪರ್ ಆಗಿದ್ದಾರೆ. ವಾಣಿಜ್ಯ ವಿಭಾಗದಲ್ಲಿ ವಿದ್ಯಾರ್ಥಿನಿ ಹೇಮಾಶ್ರೀ 587 ಅಂಕಗಳೊಂದಿಗೆ ತಾಲೂಕು ದ್ವಿತೀಯ ಟಾಪರ್ ಆಗಿ ಹೊರಹೊಮ್ಮಿದ್ದಾರೆ. ಕಾಲೇಜಿನಲ್ಲಿ ಒಟ್ಟು 101 ವಿದ್ಯಾರ್ಥಿಗಳು ಅತ್ಯುನ್ನತ ಶ್ರೇಣಿ, 247 ಉನ್ನತ ಶ್ರೇಣಿ ಮತ್ತು 77 ವಿದ್ಯಾರ್ಥಿಗಳು ದ್ವಿತೀಯ ಶ್ರೇಣಿಯಲ್ಲಿ ಉತ್ತೀರ್ಣರಾಗಿದ್ದು, ಕಲಾವಿಭಾಗದಲ್ಲಿ ಶೇ.80.29, ವಾಣಿಜ್ಯ ವಿಭಾಗದಲ್ಲಿ ಶೇ.93.71 ಮತ್ತು ವಿಜ್ಞಾನ ವಿಭಾಗದಲ್ಲಿ ಶೇ.86.79ರ ಫಲಿತಾಂಶ ಗಳಿಸಿದೆ. ವಿದ್ಯಾರ್ಥಿಗಳ ಸಾಧನೆಯನ್ನು ಪ್ರಾಂಶುಪಾಲ ಎ.ರಾಮೇಗೌಡ ಮತ್ತು ಪ್ರಾಧ್ಯಾಪಕ ವೃಂದ ಅಭಿನಂದಿಸಿದೆ.
ಸಂತ ಜೋಸೆಫರ ಶಾಲೆ ಸಾಧನೆ: ಸಂತ ಜೋಸೆಫರ ಪಿಯು ಕಾಲೇಜು ವಿಜ್ಞಾನ ವಿಭಾಗದಲ್ಲಿ ತಾಲೂಕಿಗೆ ಟಾಪರ್ ವಿದ್ಯಾರ್ಥಿಯನ್ನು ಹೊಂದುವ ಮೂಲಕ ಸಂಭ್ರಮಿಸಿತು. ವಿದ್ಯಾರ್ಥಿನಿ ಎಚ್.ಎಂ.ಮಾನ್ಯಾ ಕಲಾ ವಿಭಾಗದಲ್ಲಿ 587 ಅಂಕ ಗಳಿಸುವ ಮೂಲಕ ತಾಲೂಕಿಗೆ ದ್ವಿತೀಯ ಟಾಪರ್ ಆಗಿದ್ದಾರೆ. ವಾಣಿಜ್ಯ ವಿಭಾಗದಲ್ಲಿ ವಿದ್ಯಾರ್ಥಿನಿ ಅಲ್ಪಿನಾ 586 ಅಂಕಗಳಿಸಿದ್ದಾರೆ. ಒಟ್ಟು 104 ಅತ್ಯುನ್ನತ ಶ್ರೇಣಿ, 213 ಉನ್ನತ ಶ್ರೇಣಿ ಪಡೆದಿದ್ದು, ಅರ್ಥಶಾಸ್ತ್ರ ವಿಷಯದಲ್ಲಿ 10 ವಿದ್ಯಾರ್ಥಿಗಳು, ಕನ್ನಡದಲ್ಲಿ 7 ವಿದ್ಯಾರ್ಥಿಗಳು , ರಾಜ್ಯಶಾಸ್ತ್ರ 4 ವಿದ್ಯಾರ್ಥಿಗಳು , ಭೂಗೋಳಶಾಸ್ತ್ರದಲ್ಲಿ 4 ವಿದ್ಯಾರ್ಥಿಗಳು, ವ್ಯವಹಾರ ಅಧ್ಯಯನ 4 ವಿದ್ಯಾರ್ಥಿಗಳು, ಇತಿಹಾಸ 2 ವಿದ್ಯಾರ್ಥಿಗಳು, ಲೆಕ್ಕಶಾಸ್ತ್ರ 1 ವಿದ್ಯಾರ್ಥಿ, ಭೌತಶಾಸ್ತ್ರ 1 ವಿದ್ಯಾರ್ಥಿಯು 100 ಕ್ಕೆ 100 ಅಂಕಗಳನ್ನು ಪಡೆದಿರುತ್ತಾರೆ. ಕಾಲೇಜಿನ ಆಡಳಿತ ಮಂಡಳಿ ಹಾಗೂ ಪ್ರಾಂಶುಪಾಲೆ ಅನಿತಾ ಇ ಡಯಾಸ್ ಮತ್ತು ಪ್ರಾಧ್ಯಾಪಕ ವೃಂದ ಅಭಿನಂದಿಸಿದೆ.
ಟ್ಯಾಲೆಂಟ್ ಕಾಲೇಜಿಗೆ ಶೇ.96ರ ಫಲಿತಾಂಶ: ನಗರದ ಟ್ಯಾಲೆಂಟ್ ಕಾಂಪೋಸಿಟ್ ಪಿಯು ಕಾಲೇಜಿಗೆ ಶೇ.96ರ ಫಲಿತಾಂಶ ದೊರಕಿದೆ. ವಿಜ್ಞಾನ ವಿಭಾಗದಲ್ಲಿ ಶೇ.95ರಷ್ಟು ಫಲಿತಾಂಶ ದೊರಕಿದ್ದು, 9 ಡಿಸ್ಟಿಂಕ್ಷನ್, 38 ಫಸ್ಟ್ ಕ್ಲಾಸ್, 9 ಸೆಕೆಂಡ್ ಕ್ಲಾಸ್ ಗಳಿಸಿದೆ. ಜಿಕ್ರಾ ಫಾತಿಮಾ 527 ಅಂಕಗಳೊಂದಿಗೆ ಕಾಲೇಜಿಗೆ ಪ್ರಥಮ ಸ್ಥಾನ ಗಳಿಸಿದ್ದರೆ, ವಾಣಿಜ್ಯ ವಿಭಾಗದಲ್ಲಿ ಶೇ.100ರ ಫಲಿತಾಂಶ ದೊರಕಿದ್ದು, 6 ಅತ್ಯುನ್ನತ ಶ್ರೇಣಿ, 16 ಉನ್ನತ ಶ್ರೇಣಿ ಮತ್ತು 10 ವಿದ್ಯಾರ್ಥಿಗಳು ದ್ವಿತೀಯ ಶ್ರೇಣಿಯಲ್ಲಿ ಉತ್ತೀರ್ಣರಾಗಿದ್ದಾರೆ. ವಾಣಿಜ್ಯ ವಿಭಾಗದಲ್ಲಿ ಮಂಜುರಾವ್ 564 ಅಂಕಗಳೊಂದಿಗೆ ಕಾಲೇಜಿಗೆ ಪ್ರಥಮಸ್ಥಾನ ಗಳಿಸಿದ್ದಾರೆ. ಕಲಾವಿಭಾಗದಲ್ಲಿ ಶೇ.93ರಷ್ಟು ಫಲಿತಾಂಶ ದೊರಕಿದ್ದು, 2 ಅತ್ಯುನ್ನತ ಶ್ರೇಣಿ, 8 ಉನ್ನತ ಶ್ರೇಣಿ ಮತ್ತು ನಾಲ್ವರು ವಿದ್ಯಾರ್ಥಿಗಳು ದ್ವಿತೀಯ ಶ್ರೇಣಿಯಲ್ಲಿ ಉತ್ತೀರ್ಣರಾಗಿದ್ದಾರೆ. ಕಾಲೇಜಿನ ಆಡಳಿತ ಮಂಡಳಿ ಸಾಧಕ ವಿದ್ಯಾರ್ಥಿಗಳನ್ನು ಅಭಿನಂದಿಸಿದೆ.
ವಿದ್ಯಾವಾರಿಧಿ ಕಾಲೇಜಿಗೆ ಶೇ.92ರ ಫಲಿತಾಂಶ: ಬಿಳಿಕೆರೆ ವಿದ್ಯಾವಾರಿಧಿ ಸಂಯುಕ್ತ ಪದವಿ ಪೂರ್ವ ಕಾಲೇಜಿಗೆ ಶೇ.92ರಷ್ಟು ಫಲಿತಾಂಶ ದೊರಕಿದೆ. ವಾಣಿಜ್ಯ ವಿಭಾಗದಲ್ಲಿ ಶೇ.91 ಹಾಗೂ ಕಲಾ ವಿಭಾಗದಲ್ಲಿ ಶೇ.93ರ ಫಲಿತಾಂಶ ದೊರಕಿದೆ. ಒಟ್ಟು 11 ವಿದ್ಯಾರ್ಥಿಗಳು ಅತ್ಯುನ್ನತ ಶ್ರೇಣಿ, 35 ವಿದ್ಯಾರ್ಥಿಗಳು ಉನ್ನತ ಶ್ರೇಣಿ ಗಳಿಸಿದ್ದಾರೆ. ಭೂಗೋಳಶಾಸ್ತ್ರದಲ್ಲಿ 5 ವಿದ್ಯಾರ್ಥಿಗಳು, ಕನ್ನಡದಲ್ಲಿ 3, ಅರ್ಥಶಾಸ್ತ್ರದಲ್ಲಿ 2 ಹಾಗೂ ರಾಜ್ಯಶಾಸ್ತ್ರದಲ್ಲಿ ಒಬ್ಬ ವಿದ್ಯಾರ್ಥಿ ನೂರಕ್ಕೆ ನೂರು ಅಂಕಗಳನ್ನು ಗಳಿಸಿದ್ದಾರೆ. ವಿದ್ಯಾರ್ಥಿಗಳ ಸಾಧನೆಯನ್ನು ಆಡಳಿತ ಮಂಡಳಿ ಮತ್ತು ಅಧ್ಯಾಪಕ ವೃಂದ ಅಭಿನಂದಿಸಿದೆ.
puc result
husuru
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net