ಗಿರಗೂರು ಗ್ರಾಮಠಾಣಾ ಜಾಗ ತೆರವುಗೊಳಿಸಿ

ದಲಿತ ಸಂಘರ್ಷ ಸಮಿತಿ ಅಂಬೇಡ್ಕರ್ ವಾದ ತಾಲೂಕು ಸಂಚಾಲಕ ಐಲಾಪುರ ರಾಮು ಮಾತನಾಡಿ, ಕೊಪ್ಪ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಗಿರಗೂರು ಗ್ರಾಮ ಠಾಣಾ ಜಾಗ ಸರ್ವೇ ನಂಬರ್ 30ರಲ್ಲಿ 9 ಎಕರೆ 9 ಗುಂಟೆ ಜಾಗ ಈಗಾಗಲೇ ನ್ಯಾಯಾಲಯದ ಆದೇಶದ ಮೇರೆಗೆ ಗ್ರಾಮ ಪಂಚಾಯಿತಿ ವಶದಲ್ಲಿದ್ದು, ಇದಕ್ಕೆ ಸಂಬಂಧಿಸಿದಂತೆ ಇ- ಸ್ವತ್ತು ಸಹ ಆಗಿರುತ್ತದೆ. ತಾವು ಪರಿಶೀಲಿಸಿ ಆದಷ್ಟು ಬೇಗ ತೆರವುಗೊಳಿಸಬೇಕು ಎಂದು ಒತ್ತಾಯಿಸಿದರು.

ಮನವಿ ಸ್ವೀಕರಿಸಿ ಮಾತನಾಡಿದ ತಾಪಂ ಇಒ ಸುನಿಲ್ ಕುಮಾರ್, ನ್ಯಾಯಾಲಯದ ಆದೇಶದಂತೆ ಗ್ರಾಮ ಪಂಚಾಯಿತಿಯಲ್ಲಿ ಈ ಜಾಗಕ್ಕೆ ಸಂಬಂಧಿಸಿದಂತೆ ಇ ಸ್ವತ್ತು ಮಾಡುವಂತೆ ಆದೇಶಿಸಿ ಅದರ ಕಾಪಿ ಪಡೆದುಕೊಂಡಿರುತ್ತೇನೆ. ತಾಲೂಕಿನ ಶಾಸಕರಾದ ಕೆ. ವೆಂಕಟೇಶ್ ಅವರು ಸಹ ಇದರ ಬಗ್ಗೆ ಪರಿಶೀಲಿಸಿ ಕ್ರಮ ತೆಗೆದುಕೊಳ್ಳಿ ಎಂದು ಸೂಚನೆ ನೀಡಿದ್ದಾರೆ. ಸಂಬಂಧಪಟ್ಟವರಿಗೆ ನೋಟಿಸ್ ಜಾರಿ ಮಾಡಿಸಿ ಪೊಲೀಸ್ ಇಲಾಖೆ ಸಹಕಾರದಲ್ಲಿ ಮತ್ತೊಮ್ಮೆ ಡ್ರೋನ್ ಸರ್ವೇ ಮಾಡಿಸಿ ಕೂಡಲೇ ಕ್ರಮ ತೆಗೆದುಕೊಳ್ಳಲಾಗುವುದು ಎಂದು ಭರವಸೆ ನೀಡಿದರು.

ಮುಖಂಡರಾದ ಮಲ್ಲಿಕಾರ್ಜುನ, ಕೆ.ಕೆ.ರಾಮಸ್ವಾಮಿ, ನವಿಲೂರು ಚೆನ್ನಪ್ಪ, ಸಣ್ಣಯ್ಯ, ಅವರ್ತಿ ಸೋಮಶೇಖರ್, ಶಿವರಾಜ್, ಶಿವಣ್ಣ ಸುರೇಶ್, ಚಂದ್ರು, ಕುಮಾರ್, ಶ್ರೀಕಂಠ ನಾಗೇಂದ್ರ, ಹರೀಶ್ ಇದ್ದರು.