ಆನ್‌ಲೈನ್ ಟ್ರೇಡಿಂಗ್ ಹೆಸರಿನಲ್ಲಿ ಸ್ನೇಹಿತನಿಗೆ 20 ಲಕ್ಷ ರೂ. ವಂಚನೆ

ಎಸ್‌ವಿಆರ್ ನಗರದ ನಿವಾಸಿ ಪಿ. ಜೀವನ್ ಎಂಬವರೇ ವಂಚನೆಗೆ ಒಳಗಾದವರು. ಜೀವನ್ ಅವರು ಹೆಬ್ಬಾಳ್ ನಿವಾಸಿ ಪಿ.ಎಸ್. ಪುರುಷೋತ್ತಮ್ ಮಾತು ನಂಬಿ ಜ.13 ರಂದು 11,000 ರೂ.ಗಳನ್ನು ಪುರುಷೋತ್ತಮ್ ನೀಡಿದ ಬ್ಯಾಂಕ್ ಖಾತೆಗೆ ವರ್ಗಾಯಿಸಿದರು. ನಂತರ ಯಾವಾಗ ಲಾಭಾಂಶ ಬರುತ್ತದೆ ಎಂದು ಕೇಳಿದಾಗ ನೀನು ಹಣ ಹಾಕುತ್ತಾ ಬಂದರೆ ಒಟ್ಟಿಗೆ ಲಕ್ಷಾಂತರ ರೂ. ಬರುತ್ತದೆ ಎಂದು ನಂಬಿಸಿದ. ಆತನ ಮಾತು ನಂಬಿ ಜ.13 ರಿಂದ ಮಾ.31ರವರೆಗೆ ಒಟ್ಟು 20.31 ಲಕ್ಷ ರೂ.ಗಳನ್ನು ಆತ ಹೇಳಿದ ಖಾತೆಗೆ ವರ್ಗಾಯಿಸಿದರು.

ಮೂರ‌್ನಾಲ್ಕು ತಿಂಗಳು ಕಳೆದರೂ ಲಾಭಾಂಶ ದೊರೆಯದ ಹಿನ್ನೆಲೆಯಲ್ಲಿ ಲಭಾಂಶಕ್ಕಾಗಿ ಒತ್ತಾಯಿಸಿದಾಗ ಮೇ 29 ರಂದು ಕರೆ ಜೀವನ್‌ಗೆ ಕರೆ ಮಾಡಿದ ಪುರುಷೋತ್ತಮ್ ‘ಯಾವಾ ಲಾಭಾಂಶ ನೀಡುವುದಿಲ್ಲ’ ಎಂದು ಬೆದರಿಕೆ ಹಾಕಿದ್ದಾನೆ. ಈ ಕುರಿತು ಶನಿವಾರ ಸೆನ್ ಪೊಲೀಸ್ ಠಾಣೆಗೆ ಜೀವನ್ ದೂರು ನೀಡಿದ್ದಾರೆ.