ಸಮಸ್ಯೆ ಎದುರಿಸಲು ಜನರಿಗೆ ಬಲ ತುಂಬಿ

ನಗರದ ಡೀಡ್ ಸಂಸ್ಥೆ ಆವರಣದಲ್ಲಿ ಗುರುವಾರ ಉಡುಪಿ ಜಿಲ್ಲೆ ಬಾರ್ಕೂರಿನ ರುಕ್ಮಿಣಿ ಶೆಡ್ತಿ ಸ್ಮಾರಕ ನ್ಯಾಷನ್ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಸ್ನಾತಕೋತ್ತರ ಅಧ್ಯಯನ ಸಮಾಜ ಕಾರ್ಯ(ಎಂಎಸ್‌ಡಬ್ಲ್ಯೂ) ವಿಭಾಗದ ವತಿಯಿಂದ ಹಮ್ಮಿಕೊಂಡಿದ್ದ ಬುಡಕಟ್ಟು ಅಧ್ಯಯನ ಶಿಬಿರ ಉದ್ಘಾಟಿಸಿ ಮಾತನಾಡಿದರು.

ಸಮಾಜ ಕಾರ್ಯ ಎನ್ನುವುದು ಒಂದು ಫ್ಯಾಷನ್ ಆಗಬಾರದು. ಅದು ಪ್ರೊಫೆಷನ್ ಆಗಬೇಕು. ಸಮಾಜ ಕಾರ್ಯದ ವಿದ್ಯಾರ್ಥಿಗಳಲ್ಲಿ ಕರುಣೆ, ಪ್ರೀತಿ, ಕಾರ್ಯಕ್ಷಮತೆ ಅತ್ಯಗತ್ಯವಾಗಿ ಇರಬೇಕು. ನಮ್ಮ ದೇಶವು ಬಹುತ್ವದ ಪ್ರತಿಪಾದನೆ ಹೊಂದಿದೆ. ಇಲ್ಲಿ ಒಂದೊಂದು ಸಮುದಾಯವೂ ಒಂದೊಂದು ಸಮಸ್ಯೆಗಳಿಂದ ಬಳಲುತ್ತಿದೆ. ಸಮಾಜಕಾರ್ಯವು ಇದೆಲ್ಲ ಸೂಕ್ಷ್ಮತೆಗಳನ್ನೂ ಅರಿತು ಮುನ್ನಡೆಯಬೇಕಿದೆ ಎಂದರು.

ಪರಿಶಿಷ್ಟ ವರ್ಗಗಳ ತಾಲೂಕು ಕಲ್ಯಾಣಾಧಿಕಾರಿ ಗಂಗಾಧರ್ ಮಾತನಾಡಿ, ಜನರು ಸರ್ಕಾರ ಯೋಜನೆಗಳನ್ನು ಜಾರಿಗೊಳಿಸುವಾಗ ಸಕ್ರಿಯವಾಗಿ ಪಾಲ್ಗೊಳ್ಳಬೇಕು, ಮಕ್ಕಳನ್ನು ಶಿಕ್ಷಣಕ್ಕೆ ಹದಗೊಳಿಸಬೇಕು. ಜತೆಗೆ ತಮ್ಮ ಹಕ್ಕುಗಳನ್ನು ರಕ್ಷಿಸಿಕೊಳ್ಳಲು ಹಕ್ಕಿದೆ. ಆದಿವಾಸಿಗಳು ಸಂಘಟಿತರಾಗಿ ನಿಲ್ಲಬೇಕು ಎಂದರು. ಶಿಬಿರದ ಪ್ರಮುಖರಾದ ಉಪನ್ಯಾಸಕಿ ಡಾ. ಹೇಮಾ ಮುಂದಿನ ನಾಲ್ಕು ದಿನಗಳಲ್ಲಿ ಹಾಡಿ ಸಮೀಕ್ಷೆ, ಸಮಸ್ಯೆಗಳನ್ನು ಬಗೆಹರಿಸಲು ಸಂಪನ್ಮೂಲ ಗುರುತಿಸುವುದು, ಅರಿವಿನ ಬೀದಿನಾಟಕ ಪ್ರದರ್ಶನ ಹಾಡಿಗಳಲ್ಲಿ ಏರ್ಪಡಿಸಿಕೊಂಡಿದ್ದೇವೆ ಎಂದರು.

ಅಧ್ಯಕ್ಷತೆ ವಹಿಸಿದ್ದ ಡಾ.ಎಸ್.ಶ್ರೀಕಾಂತ್ ಮಾತನಾಡಿ, ಏ.17 ಮತ್ತು 18 ರಂದು ಆದಿವಾಸಿ ಚಳವಳಿ ಹಾಗೂ ದಲಿತ ಚಳವಳಿ ಕುರಿತು ಪ್ರಾಜ್ಞರೊಂದಿಗೆ ಚರ್ಚಿಸಲಾಗುವುದು ಎಂದರು.

ಆದಿವಾಸಿ ಮುಖಂಡರಾದ ಹರ್ಷ, ವಿಠಲ್, ಲಕ್ಷ್ಮೀ ಮುಂತಾದವರು ಮಾತನಾಡಿದರು. ಬಾರ್ಕೂರು ಕಾಲೇಜಿನ ಕೆ ಆರ್ ನಗರ ಕಾಲೇಜಿನ ಹಾಗೂ ಮೈಸೂರು ವಿವಿಯ ಎಂಎಸ್‌ಡಬ್ಲ್ಯೂ ವಿದ್ಯಾರ್ಥಿಗಳು ಹಾಜರಿದ್ದರು.